قازاقستاندىق شەنەۋنىكتەر مەن ولاردىڭ ايەلدەرىندە الەمنىڭ 70 ەلىندە مۇلكى بار. بۇل تۋرالى جۋرناليست سىرىم يتقۇلوۆ جازدى، - دەپ حابارلايدى Dalanews.kz.
دەكلاراسيانى مەملەكەتتىك قىزمەتكەرلەر مەن ولاردىڭ ايەلدەرى بەرگەن. ونىڭ ىشىندە، مەملەكەتتىك مەكەمە مەن كۆازيمەملەكەتتىك سەكتور قىزمەتكەرلەرى دە بار.
دەكلاراسيا تاپسىرعانداردىڭ ىشىندە 1 170 جەكە تۇلعانىڭ 83 ەلدەگى شەتەلدىك بانكتەردە شوتتارى بار. ەڭ كوبى رەسەي فەدەراسياسىنداعى، امەريكا قۇراما شتاتتارىنداعى، تۇركياداعى بانكتەردە تىركەلگەن.
71 ەلدە 2 976 جەكە تۇلعانىڭ 3 959 جىلجىمايتىن مۇلىگى بار. ەڭ كوبى رەسەيدە، تۇركيادا جانە بولگاريادا تىركەلگەن.
67 ەلدە 1 421 جەكە تۇلعانىڭ 1 657 كولىگى بار. ەڭ كوبى - رەسەيدە، ارمەنيادا جانە جاپونيادا.
سونىمەن قاتار، 93 ادامنىڭ 21 ەلدە 161 زياتكەرلىك مەنشىك نىسانى بار بولىپ شىقتى.
ايتا كەتەيىك، بۇل تەك رەسمي دەكلاراسياداعى دەرەكتەر. مەملەكەتتىك قىزمەتكەرلەردىڭ مۇلىكتەرى ايەلىنەن بولەك، وزگە تۋىستارىنا دا جازىلعان بولۋى مۇمكىن.
