Qazaqstandyq sheneýnikter men olardyń áielderinde álemniń 70 elinde múlki bar. Bul týraly jýrnalist Syrym Itqulov jazdy, - dep habarlaidy Dalanews.kz.
Deklaratsiiany memlekettik qyzmetkerler men olardyń áielderi bergen. Onyń ishinde, memlekettik mekeme men kvazimemlekettik sektor qyzmetkerleri de bar.
Deklaratsiia tapsyrǵandardyń ishinde 1 170 jeke tulǵanyń 83 eldegi sheteldik bankterde shottary bar. Eń kóbi Resei Federatsiiasyndaǵy, Amerika Qurama Shtattaryndaǵy, Túrkiiadaǵy bankterde tirkelgen.
71 elde 2 976 jeke tulǵanyń 3 959 jyljymaityn múligi bar. Eń kóbi Reseide, Túrkiiada jáne Bolgariiada tirkelgen.
67 elde 1 421 jeke tulǵanyń 1 657 kóligi bar. Eń kóbi - Reseide, Armeniiada jáne Japoniiada.
Sonymen qatar, 93 adamnyń 21 elde 161 ziiatkerlik menshik nysany bar bolyp shyqty.
Aita keteiik, bul tek resmi deklaratsiiadaǵy derekter. Memlekettik qyzmetkerlerdiń múlikteri áielinen bólek, ózge týystaryna da jazylǵan bolýy múmkin.
