تۇرعىن ٷي قۇرىلىس جيناق جٷيەسٸنە 2,2 ترلن تەڭگەدەن استام قارجى تارتىلعان بولسا, بۇل سومانىڭ تۋرا جارتىسىن قازاقستاندىق ەيەلدەر جيناعان. قازٸرگٸ ۋاقىتتا وتباسى بانكٸندە 1,5 ملن جۋىق دەپوزيتتٸ, ياكي بەلسەندٸ جيناق شوتتارىنىڭ جالپى سانىنىڭ 68% ەيەلدەر اشقان.
وتباسى بانكٸندە قازاقستاندىق قىز-كەلٸنشەكتەرمەن جيناقتالعان دەپوزيتتەردٸڭ اراسىنداعى ەڭ جوعارعى سوما 53 ملن تەڭگە.
– ورتا ەسەپپەن العاندا, قازاقستاندىق ەيەلدەر نەسيە العانعا دەيٸن وتباسى بانكٸندە اقشاسىن دەپوزيتكە ورتا ەسەپپەن 6-10 جىل جينايدى. دەنٸ – الماتى, استانا جەنە شىمكەنت قالالارىنىڭ ازاماتشالارى. سونىمەن قاتار, بانك كليەنتتەرٸنٸڭ بالالارىنىڭ بولاشاعىن ويلايتىنى دا قۋانتادى. ٶيتكەنٸ, قازٸر بانكتە 230 مىڭعا جۋىق بالالار دەپوزيتٸ اشىلعان. انالاردىڭ مۇنداي كٶرەگەندٸگٸ بولاشاقتا جاقسى قىزمەت ەتەتٸنٸنە سەنٸمدٸمٸن. راسىندا دا, كەمەلەتكە تولعانعا دەيٸن بالالارى ٶز شارشى مەترلەرٸنٸڭ يەسٸ اتانا الادى, – دەيدٸ «وتباسى بانك» اق باسقارما تٶرايىمى لەززات يبراگيموۆا.
بانكتەن نەسيە الۋشىلار اراسىندا ەيەلدەر سانى باسىم (54,7%). ال پەتەر نەمەسە ٷي ساتىپ الۋ ٷشٸن نەسيە الاتىن بۇرىمدىلاردىڭ نەگٸزگٸ جاسى 36-45 جاس ارالىعىندا. ەدەتتە, نەسيە مەرزٸمٸ 10 جىل.
وتباسى بانكٸندە ەيەلدەرگە بەرٸلەتٸن نەسيەنٸڭ ورتاشا سوماسى 11 ملن تەڭگەگە تەڭ.
بۇل رەتتە وتباسى بانك ازييا دامۋ بانكٸمەن بٸرلەسٸپ جٷزەگە اسىرىپ جاتقان «ۇماي» ەيەلدەر باعدارلاماسىنىڭ رٶلٸ زور بولدى. جوبانى قارجىلاندىرۋ كٶلەمٸ 38 ملرد تەڭگەگە تەڭ. العاشقى ەكٸ ترانش اياسىندا 2300-دەن استام قازاقستاندىق ەيەلدەر جالپى سوماسى 22,4 ملرد تەڭگەنٸ قۇرايتىن قولجەتٸمدٸ نەسيە الىپ, قونىس تويىن تويلاۋعا مٷمكٸندٸك الدى.
بيىل بانك قازاقستاندىق ەيەلدەردٸ ودان ەرٸ نەسيەلەۋ ٷشٸن كەلەسٸ ترانشتىڭ بٶلٸنۋٸن كٷتۋدە.
گەندەرلٸك تەپە-تەڭدٸك بانك كليەنتتەرٸ اراسىندا عانا ەمەس, سونىمەن قاتار قىزمەتكەرلەر اراسىندا دا ساقتالادى. وتباسى بانكٸندە قىزمەتكەرلەردٸڭ 61 پايىزى ەيەلدەر. ولار ديرەكتورلار كەڭەسٸ مەن باسقارمانىڭ مٷشەلەرٸ بولىپ تابىلادى جەنە جوعارى لاۋازىمداردى اتقارادى. IT بلوگىندا قۇراستىرۋشىلار مەن تالداۋشىلاردىڭ تٶرتتەن بٸرٸ – نەزٸك جاندىلار.
***
««وتباسى بانك» تۇرعىن ٷي قۇرىلىس جيناق بانكi» اق — ەلٸمٸزدەگٸ تۇرعىن ٷي قۇرىلىس جيناق جٷيەسٸن جٷزەگە اسىراتىن بٸردەن-بٸر بانك. ۇيىم ەۋروپالىق قۇرىلىس جيناق كاسسالارى فەدەراتسيياسىنا (ەقجكف) جەنە حالىقارالىق تۇرعىن ٷيدٸ قارجىلاندىرۋ وداعىنا كٸرەدٸ. بانكٸنٸڭ جالعىز اكتسيونەرٸ – «بەيتەرەك» ۇلتتىق باسقارۋشى حولدينگٸ» اق.
