Turǵyn úi qurylys jinaq júiesine 2,2 trln teńgeden astam qarjy tartylǵan bolsa, bul somanyń týra jartysyn qazaqstandyq áielder jinaǵan. Qazirgi ýaqytta Otbasy bankinde 1,5 mln jýyq depozitti, iaki belsendi jinaq shottarynyń jalpy sanynyń 68% áielder ashqan.
Otbasy bankinde qazaqstandyq qyz-kelinshektermen jinaqtalǵan depozitterdiń arasyndaǵy eń joǵarǵy soma 53 mln teńge.
– Orta eseppen alǵanda, qazaqstandyq áielder nesie alǵanǵa deiin Otbasy bankinde aqshasyn depozitke orta eseppen 6-10 jyl jinaidy. Deni – Almaty, Astana jáne Shymkent qalalarynyń azamatshalary. Sonymen qatar, bank klientteriniń balalarynyń bolashaǵyn oilaityny da qýantady. Óitkeni, qazir bankte 230 myńǵa jýyq balalar depoziti ashylǵan. Analardyń mundai kóregendigi bolashaqta jaqsy qyzmet etetinine senimdimin. Rasynda da, kámeletke tolǵanǵa deiin balalary óz sharshy metrleriniń iesi atana alady, – deidi «Otbasy bank» AQ Basqarma tóraiymy Lázzat Ibragimova.
Bankten nesie alýshylar arasynda áielder sany basym (54,7%). Al páter nemese úi satyp alý úshin nesie alatyn burymdylardyń negizgi jasy 36-45 jas aralyǵynda. Ádette, nesie merzimi 10 jyl.
Otbasy bankinde áielderge beriletin nesieniń ortasha somasy 11 mln teńgege teń.
Bul rette Otbasy bank Aziia damý bankimen birlesip júzege asyryp jatqan «Umai» áielder baǵdarlamasynyń róli zor boldy. Jobany qarjylandyrý kólemi 38 mlrd teńgege teń. Alǵashqy eki transh aiasynda 2300-den astam qazaqstandyq áielder jalpy somasy 22,4 mlrd teńgeni quraityn qoljetimdi nesie alyp, qonys toiyn toilaýǵa múmkindik aldy.
Biyl bank qazaqstandyq áielderdi odan ári nesieleý úshin kelesi transhtyń bólinýin kútýde.
Genderlik tepe-teńdik bank klientteri arasynda ǵana emes, sonymen qatar qyzmetkerler arasynda da saqtalady. Otbasy bankinde qyzmetkerlerdiń 61 paiyzy áielder. Olar Direktorlar keńesi men Basqarmanyń músheleri bolyp tabylady jáne joǵary laýazymdardy atqarady. IT blogynda qurastyrýshylar men taldaýshylardyń tórtten biri – názik jandylar.
***
««Otbasy bank» turǵyn úi qurylys jinaq banki» AQ — elimizdegi turǵyn úi qurylys jinaq júiesin júzege asyratyn birden-bir bank. Uiym Eýropalyq qurylys jinaq kassalary federatsiiasyna (EQJKF) jáne Halyqaralyq turǵyn úidi qarjylandyrý odaǵyna kiredi. Bankiniń jalǵyz aktsioneri – «Báiterek» Ulttyq basqarýshy holdingi» AQ.
