ۆەدومستۆو باسشىسى سالا ماماندارىنا قازىرگى اقپاراتتىق تەحنولوگيالاردان قالىس قالماۋدى قاتاڭ ەسكەرتىپ وتىر.
ءمينيستردىڭ ايتۋىنشا ەلىمىزدەگى ەسىرتكى بيزنەسى الدەقاشان ينتەرنەت كەڭىستىككە اۋىسىپ كەتكەن، ال بۇل ورتانى باقىلاۋ، قىلمىستىڭ جولىن كەسۋ، "جەڭگەتايلاردىڭ" جەلىسىن انىقتاۋ ءۇشىن "كيبەر الەمنىڭ" ۇڭعىل-شۇڭعىلىن بەسكە بىلەتىن ماماندار اۋاداي قاجەت.
احمەتجانوۆ ءوز پىكىرىندە:
«مىنا جايتتى كەرەك: 2019-2020 جىلداردان باستاپ عالامتور ارقىلى ەسىرتكىنى جارنامالاۋ، پايدالانۋعا ۇگىتتەۋ، ساۋدالاۋ اۋىر جانە اسا اۋىر قىلمىس تۇرىنە جاتادى. ولاردىڭ جولىن كەسۋ بويىنشا جۇرگىزىلىپ جاتقان بەلسەندى جۇمىس اسا اۋىر قىلمىستىڭ 30 پايىزعا ارتۋىنا الىپ كەلدى.
دەمەك، بۇگىنگى تىركەلىپ جاتقان قىلمىس اتاۋلىنىڭ ءاربىر ءۇشىنشىسى ەسىرتكىگە تىكەلەي قاتىسى بار. ونىڭ 300-دەن استامى عالامتور كومەگىمەن جاسالعان. ياعني، الىس - بەرىس ينتەرنەت ارقىلى جۇرگىزىلگەن.
بيىلعى جىلدى قاڭتارىنان بەرى جۇرگىزىلگەن مونيتورينگ نەگىزىندە 1700-دەن اسا ەسىرتكى جارناماسىمەن اينالىساتىن پورتالدار انىقتالدى. بۇلاردىڭ بارلىعى دا "كيبەر باقىلاۋ" جۇيەسىنىڭ كومەگىمەن ءبىرجولاتا بۇعاتتالدى.
عالامتورعا ورنىعىپ العان وسىناۋ ينتەرنەت-دۇكەندەرگە – ەسىرتكى كوممەرسياسىمەن اينالىساتىندار، ونى جەتكىزۋ جۇمىسى جۇكتەلگەن كۋرەرلەر، كەرەك دەسەڭىز التىن، كۇمىس قابىلدايتىن لومباردتاردان تۇراتىن ۇلكەن قىلمىستىق توپ يەلىك ەتەدى. ءبىر سوزبەن ايتقاندا، بۇل ەسىرتكى ساۋدالاۋدىڭ سيفرلىق ۇيا دەۋگە بولادى»، – دەدى مينيستر احمەتجانوۆ.
ونىڭ ايتۋىنشا، الگىندەي ءبىر ينتەرنەت-رەسۋرستى جويۋدىڭ ارقاسىندا جۇزدەگەن، مىڭداعان ادامنىڭ ءومىرىن ساقتاپ قالۋعا نەگىز بار. سونداي-اق، مينيستر ىندەت كەزىندە جابىق شەكارا جاعدايىندا پايدا بولىپ، دامىپ وتىرعان دارىلىك زەرتحانالار مەن قويمالار دا ۇلكەن ءقاۋىپ توندىرەتىنىن اتاپ ءوتتى.
بيىلعى جىلدىڭ باسىنان بەرى قازاقستاندىق پوليسەيلەر وسىنداي وتىزدان استام سەحتىڭ كوزىن جويىپ، 100 كەلى سينتەتيكالىق نەمەسە 2 ملرد تەڭگەگە جۋىق 200 مىڭنان استام دوزانى تاركىلەگەن.
ىشكى ىستەر ءمينيسترى ايتۋىنشا، وتكەن اپتادا عانا پاۆلودار مەن پەتروپاۆل قالالارىندا ينتەرنەت-دۇكەن ارقىلى ەسىرتكى ساتۋشىلار ۇستالىپ، ولاردان ەكى جارىم كەلى سينتەتيكالىق ەسىرتكى تاركىلەنگەن.
«رەسەيلىك قۇقىق قورعاۋ ورگاندارىمەن بىرلەسە جۇرگىزگەن شۇعىل وپەراسيا بارىسىندا ترانسۇلتتىق ەسىرتكى توبى تۇبىرىمەن جويىلدى. وسى ۇيىمنىڭ توبە باسىنداعى تۇرعان ازاماتتاردان تاراز بەن ومسكى قالاسىندا جاسىرعان قۇنى 9 ملن دوللارعا جۋىقتايتىن 250 كەلى synthetics ساناتىنداعى ناركوتيك تابىلدى.
ايتا كەتەيىن، اتالعان ەسىرتكىنىڭ ساناتى بىلتىرعى جىلدىڭ كۇز ايىنان باستاپ قانا اسا اۋىر ساناتقا جاتقىزىلعان ەسىرتكىنىڭ تىزىمىنە ەندى. ەستەرىڭىزگە سالايىن، مۇنىمەن ويناۋعا بولمايدى. مۇنى ەرمەك كورەتىندەي، ەگەردە ناركوتيكتىڭ ءبىر گرامىن ساقتاسا دا، قىلمىستىق جاۋاپقا تارتىلادى»، – دەدى مينيستر.
ءمينيستردىڭ مالىمەتىنشە، بيىلعى جىلدىڭ باسىنان كۇنى بۇگىنگە دەيىن پوليسەيلەر 11 توننادان استام ەسىرتكىنى تاركىلەپ، ارنايى قىلمىس توپتارىن اشكەرەلەگەن.
