اۋستريانىڭ لينس قالاسىندا دزيۋدودان گران-پري ءتۋرنيرى مارەسىنە جەتتى. قازاقستان قۇراماسى جارىستى 1 التىن، 1 قولا مەدالمەن اياقتاپ، جالپىكوماندالىق ەسەپتە 7-ورىن الدى. لينستەگى باسەكەدە 21 ەلدىڭ سپورتشىسى جۇلدەگە يە بولدى، دەپ حابارلايدى Dalanews.kz ق ر تۋريزم جانە سپورت مينيسترلىگى سپورتتى دامىتۋ ديرەكسياسىنىڭ باسپا ءسوز قىزمەتىنە سىلتەمە جاساپ.

جارىستىڭ العاشقى كۇنى -60 كگ سالماقتا شەرزود داۆلاتوۆ قولا جۇلدەگەر اتاندى.

ال ەكىنشى كۇنى -81 كگ سالماقتا ادىلەت المات قارسىلاستارىنا دەس بەرمەي، چەمپيون اتاندى. بۇل – ونىڭ گران-پري ساناتىنداعى العاشقى التىنى.

بۇگىن اقەركە رامازانوۆا (+78 كگ) قولا مەدال ءۇشىن ەستونيا سپورتشىسىنا جول بەردى.

ال -100 كگ سالماقتا مارات بايكامۋروۆ جۇبانىش كەزەڭىندە توكيو وليمپياداسىنىڭ قولا جۇلدەگەرى، ەكى دۇركىن الەم چەمپيونى جورجە فونسەكاعا ەسە جىبەردى.

اۋسترياداعى جارىسقا 59 ەلدەن 479 دزيۋدوشى قاتىستى. قازاقستان قۇراماسى ساپىندا 20 سپورتشى بولدى.