Aýstrıanyń Lıns qalasynda dzúdodan Gran-prı týrnıri máresine jetti. Qazaqstan quramasy jarysty 1 altyn, 1 qola medalmen aıaqtap, jalpykomandalyq esepte 7-oryn aldy. Lınstegi básekede 21 eldiń sportshysy júldege ıe boldy, dep habarlaıdy Dalanews.kz QR Týrızm jáne sport mınıstrligi Sportty damytý dıreksıasynyń baspasóz qyzmetine silteme jasap.
Jarystyń alǵashqy kúni -60 kg salmaqta Sherzod Davlatov qola júldeger atandy.
Al ekinshi kúni -81 kg salmaqta Ádilet Almat qarsylastaryna des bermeı, chempıon atandy. Bul – onyń Gran-prı sanatyndaǵy alǵashqy altyny.
Búgin Aqerke Ramazanova (+78 kg) qola medal úshin Estonıa sportshysyna jol berdi.
Al -100 kg salmaqta Marat Baıkamýrov jubanysh kezeńinde Tokıo Olımpıadasynyń qola júldegeri, eki dúrkin álem chempıony Jorje Fonsekaǵa ese jiberdi.
Aýstrıadaǵy jarysqa 59 elden 479 dzúdoshy qatysty. Qazaqstan quramasy sapynda 20 sportshy boldy.
