قازاقستاندىق ەنشٸ ەمرە حالىقارالىق “ينتەرۆيدەنيە – 2025” بايقاۋىندا “دالا تاڭى” كومپوزيتسيياسىن ورىندايدى, دەپ حابارلايدى Dalanews.kz
بۇل ەن ۇسىنىلعان 10 نۇسقانىڭ ٸشٸنەن تاڭدالعان. مۋزىكاسىن ورىنداۋشىنىڭ ٶزٸ جازسا, سٶزٸن اقىن سايات راحىمجانوۆ قالامعا العان.
بايقاۋداعى ەمرەنٸڭ نٶمٸرٸ ەرەكشە بولماق. ٶنەر يەسٸمەن بٸرگە ساحناعا سەگٸز جاسار جاسمين قايراتقىزى شىعادى. ول – قازاقستاندىق دەلەگاتسييانىڭ ەڭ جاس مٷشەسٸ. ارنايى كاستينگكە قاتىسقان 100 ٷمٸتكەردٸڭ ٸشٸنەن جاسمين ٷزدٸك تانىلدى. قويىلىمنىڭ تولىق مازمۇنى ەزٸرگە قۇپييا ساقتالۋدا, الايدا ٶزگە ەلدەردٸڭ قاتىسۋشىلارى نٶمٸرگە جوعارى باعا بەرگەن.
بۇل ەن تەك وسىندا عانا ەمەس, قاتىسۋشىلاردىڭ بارلىعىنىڭ جٷرەگٸن جاۋلاپ الدى. ولار ەۋەنٸن بٸرگە ايتىپ, سٷيسٸنە قابىلداپ جاتىر. بٸزدٸڭ باستى ماقساتىمىز – بۇل تۋىندى قازاقستاندا دا حيتكە اينالۋى. ول وتانعا دەگەن ماحابباتتى پاش ەتەتٸن پاتريوتتىق ەندەردٸڭ كٶشباسشىلارىنىڭ بٸرٸ بولسىن دەيمٸز, - دەدٸ قازاقستان دەلەگاتسيياسىنىڭ باس پروديۋسەرٸ التىنبەك راحمەتوۆ.
بايقاۋعا 23 ەلدٸڭ ورىنداۋشىسى قاتىسىپ جاتىر. فينالدى 20 قىركٷيەك كٷنٸ ساعات 22:30-دا “ەۋرازييا بٸرٸنشٸ ارناسى” تٸكەلەي ەفيردە كٶرسەتەدٸ.
