قازاقستاندا اۆتوموبيل جولدارىن سالۋ, قايتا جاڭارتۋ جەنە جٶندەۋ كەزٸندە قولدانىلاتىن وتاندىق تسەمەنتتٸڭ ساپاسىنا اۋقىمدى زەرتتەۋ جٷرگٸزٸلۋدە. بۇل جۇمىستاردى «قازجولعزي» ماماندارى قولعا الدى, دەپ حابارلايدى dalanews.kz.
كٶلٸك مينيسترلٸگٸنٸڭ مەلٸمەتٸنشە, زەرتتەۋ «قازاقستاندا ٶندٸرٸلگەن تسەمەنتتەردٸڭ حيمييالىق قۇرامى مەن فيزيكالىق-مەحانيكالىق قاسيەتتەرٸن تالداۋ» عىلىمي جوباسى اياسىندا جٷزەگە اسىرىلۋدا. جوبانىڭ نەگٸزگٸ ماقساتى – وتاندىق تسەمەنتتٸڭ ساپاسىن باعالاپ, ەلٸمٸزدٸڭ كليماتتىق ەرەكشەلٸكتەرٸن ەسكەرە وتىرىپ جول قۇرىلىسىنا ارنالعان تسەمەنتكە عىلىمي نەگٸزدەلگەن تالاپتار ەزٸرلەۋ.
«قازجولعزي» ماماندارىنىڭ ايتۋىنشا, تسەمەنت جول قۇرىلىسىنىڭ نەگٸزگٸ ماتەريالدارىنىڭ بٸرٸ بولىپ سانالادى. ونىڭ ساپاسى جول تٶسەمٸنٸڭ بەرٸكتٸگٸنە, ايازعا تٶزٸمدٸلٸگٸنە, تەمپەراتۋرالىق ٶزگەرٸستەرگە شىدامدىلىعىنا جەنە اۆتوموبيل جولدارىنىڭ قىزمەت ەتۋ مەرزٸمٸنە تٸكەلەي ەسەر ەتەدٸ.
قازٸر تسەمەنت ٷلگٸلەرٸن ٸرٸكتەۋ جۇمىستارى «قازاۆتوجول» ۇلتتىق كومپانيياسى, جول اكتيۆتەرٸنٸڭ ۇلتتىق ساپا ورتالىعى جەنە تسەمەنت ٶندٸرۋشٸ زاۋىتتاردىڭ ٶكٸلدەرٸنٸڭ قاتىسۋىمەن جٷرگٸزٸلۋدە. قازاقستاندا بٷگٸندە قۇرىلىس سالاسىنا ٶنٸم شىعاراتىن 11 تسەمەنت زاۋىتى جۇمىس ٸستەيدٸ.
زەرتتەۋ اياسىندا ماڭعىستاۋ, قىزىلوردا جەنە تٷركٸستان وبلىستارىنداعى, سونداي-اق شىمكەنت قالاسىنداعى كەسٸپورىنداردان تسەمەنت سىنامالارى الىندى. مامانداردىڭ ايتۋىنشا, ٷلگٸلەردٸڭ تٸكەلەي ٶندٸرٸس ورىندارىنان الىنۋى ٶنٸم ساپاسى تۋرالى بارىنشا وبەكتيۆتٸ دەرەكتەر جيناۋعا مٷمكٸندٸك بەرەدٸ.
عالىمدار تسەمەنتتەردٸڭ فيزيكالىق-مەحانيكالىق قاسيەتتەرٸ مەن حيمييالىق قۇرامىن زەرتتەپ, تٷرلٸ مينەرالدىق جەنە حيمييالىق قوسپالاردىڭ ەسەرٸن باعالايدى. سونىمەن قاتار وتاندىق كەسٸپورىنداردىڭ ٶندٸرٸستٸك قۋاتى مەن ٶنٸم تٷرلەرٸنە قاتىستى دەرەكتەر دە جيناقتالادى.
زەرتتەۋ نەتيجەسٸندە «جول تسەمەنتٸ» اتتى جاڭا نورماتيۆتٸك-تەحنيكالىق قۇجات ەزٸرلەنبەك. بۇل قۇجات تسەمەنت-بەتون جولدارىن سالۋدا قولدانىلاتىن تسەمەنتتەرگە قويىلاتىن بٸرىڭعاي تالاپتاردى بەلگٸلەۋگە مٷمكٸندٸك بەرەدٸ.
مامانداردىڭ پٸكٸرٸنشە, زەرتتەۋ قورىتىندىلارى جول-قۇرىلىس ماتەريالدارىنىڭ ساپاسىن ارتتىرىپ, تسەمەنت-بەتون جابىندارىنىڭ ۇزاق قىزمەت ەتۋٸنە جاعداي جاسايدى جەنە قازاقستاندا زاماناۋي جول سالۋ تەحنولوگييالارىن كەڭٸنەن ەنگٸزۋگە نەگٸز بولادى.
