قازاقستاندا جىل باسىنان بەرٸ ستالكينگ فاكتٸلەرٸ بويىنشا قوزعالعان 83 ٸس سوتقا جولدانعان. بۇل تۋرالى ٸشكٸ ٸستەر مينيسترٸنٸڭ ورىنباسارى سانجار ەدٸلوۆ مەلٸمدەدٸ, دەپ حابارلايدى dalanews.kz.
49 ادامعا جەبٸرلەنۋشٸگە جاقىنداۋعا تىيىم سالىندى
ۆيتسە-مينيستردٸڭ ايتۋىنشا, ستالكينگ بويىنشا قۇقىق بۇزۋشىلىق جاساعان 49 ادامعا جەبٸرلەنۋشٸلەرگە جاقىنداۋعا تىيىم سالۋ شاراسى قولدانىلعان.
سونداي-اق نەكە قييۋعا مەجبٷرلەۋ فاكتٸلەرٸ بويىنشا قوزعالعان 12 قىلمىستىق ٸس بويىنشا شەشٸم قابىلدانعان.
سانجار ەدٸلوۆتىڭ سٶزٸنشە, مۇنداي ٸستەردٸڭ ەدەۋٸر بٶلٸگٸ قىسقا مەرزٸمدە قارالادى. بۇل جەبٸرلەنۋشٸلەردٸڭ بۇزىلعان قۇقىقتارىن قالپىنا كەلتٸرۋگە جەنە جازانىڭ بۇلتارتپاستىعى قاعيداتىن قامتاماسىز ەتۋگە مٷمكٸندٸك بەرەدٸ.
ستالكينگپەن كٷرەس ٷشٸن قوعامنىڭ قولداۋى قاجەت
ٸشكٸ ٸستەر مينيسترٸنٸڭ ورىنباسارى ستالكينگ, نەكە قييۋعا مەجبٷرلەۋ جەنە ەيەلدەرگە قاتىستى زورلىق-زومبىلىق مەسەلەسٸن تەك قۇقىق قورعاۋ ورگاندارىنىڭ كٷشٸمەن شەشۋ مٷمكٸن ەمەس ەكەنٸن اتاپ ٶتتٸ.
ونىڭ ايتۋىنشا, بۇل ٷشٸن بٷكٸل قوعامنىڭ كٷش-جٸگەرٸن بٸرٸكتٸرۋ قاجەت. اتاپ ايتقاندا, قوعامدىق كٶزقاراستى ٶزگەرتۋ, قۇقىقتىق مەدەنيەتتٸ ارتتىرۋ جەنە زورلىق-زومبىلىقتىڭ كەز كەلگەن تٷرٸنە تٶزبەۋشٸلٸك قالىپتاستىرۋ ماڭىزدى.
ەيەلدەرگە قاتىستى زورلىق-زومبىلىق ٷشٸن مىڭداعان ادام جاۋاپقا تارتىلعان
سانجار ەدٸلوۆ ەيەلدەرگە قاتىستى زورلىق-زومبىلىق فاكتٸلەرٸ بويىنشا قابىلدانعان شارالار تۋرالى دا مەلٸمەت بەردٸ.
ونىڭ ايتۋىنشا, 41 مىڭنان استام قۇقىق بۇزۋشى ەكٸمشٸلٸك جاۋاپكەرشٸلٸككە تارتىلعان. 11 مىڭنان استام ادامعا ەكٸمشٸلٸك قاماۋ جازاسى تاعايىندالعان.
سونىمەن قاتار 35 مىڭنان استام قورعاۋ نۇسقاماسى شىعارىلعان.
ستالكينگ ٷشٸن قانداي جازا قاراستىرىلعان?
ەسكە سالايىق, 2025 جىلى قازاقستاننىڭ قىلمىستىق كودەكسٸنە «ستالكينگ» تۋرالى جاڭا 115-1-باپ ەنگٸزٸلگەن بولاتىن.
اتالعان باپ بويىنشا كٸنەلٸ ادامعا 200 ايلىق ەسەپتٸك كٶرسەتكٸشكە دەيٸن ايىپپۇل سالىنۋى مٷمكٸن. سونداي-اق تٷزەۋ جۇمىستارى, قوعامدىق جۇمىستار نەمەسە 50 تەۋلٸككە دەيٸن قاماۋعا الۋ جازاسى كٶزدەلگەن.
ستالكينگ – ادامنىڭ سوڭىنا تٷسٸپ, مازاسىن الۋ, اڭدۋ, قورقىتۋ نەمەسە ونىڭ قاۋٸپسٸزدٸگٸنە قاۋٸپ تٶندٸرەتٸن ەرەكەتتەردٸ جٷيەلٸ تٷردە جاساۋ رەتٸندە قاراستىرىلادى.
