2024 جىلعى 1 جەلتوقسانداعى جاعداي بويىنشا 40،9 ترلن تەڭگەنى قۇراپ، 2023 جىلعى 1 جەلتوقساننان باستاپ 22،3%-عا ۇلعايدى. قارىز الۋشىلاردىڭ ساناتتارى بويىنشا كرەديتتەردىڭ جالپى كولەمىنىڭ 46،0%-ى بيزنەس كرەديتتەرىنە تيەسىلى (بيزنەس ماقساتتارىنا كرەديتتەر العان قارجىلىق ەمەس زاڭدى تۇلعالار مەن دارا كاسىپكەرلەر)، 54،0%–ى - حالىققا بەرىلگەن كرەديتتەر، دەپ جازادى Dalanews.kz.
"بۇل رەتتە بيزنەسكە كرەديتتەر وتكەن جىلدىڭ ۇقساس كەزەڭىنە قاراعاندا 20،6%-عا ءوسىپ، 18،8 ترلن تەڭگەنى قۇرادى، حالىققا بەرىلگەن كرەديتتەر 23،7%-عا، ياعني 22،1 ترلن تەڭگەگە دەيىن ءوستى"، دەلىنگەن ۇلتتىق بانكتىڭ جەلتوقسان ايىنىڭ قورىتىندىسى بويىنشا جاساعان ەسەبىندە.
ۇلتتىق ۆاليۋتاداعى كرەديتتەر كولەمى ءبىر جىلدا 18،9%-عا 36،8 ترلن تەڭگەگە دەيىن ۇلعايسا، ال شەتەل ۆاليۋتاسىنداعىسى 64،0%-عا، 4،1 ترلن تەڭگەگە دەيىن ۇلعايدى (ونىڭ ىشىندە ولاردى ۆاليۋتالىق قايتا باعالاۋ ەسەبىنەن).
بانك سەكتورىنىڭ كرەديتتەرى كرەديتتەردىڭ جالپى كولەمىنىڭ 85،8%-ىن قۇرادى.
بۇعان دەيىن سايتىمىزدا "بانكتەردەن جۇرت بۇرقىراتىپ قارىز الىپ جاتىر، پروبلەمالىق زاەمدار دا ارتۋدا" دەگەن ماقالا جاريالانعان. وندا Halyk Finance ساراپتاما ورتالىعىنىڭ جاريالاعان زەرتتەۋى ۇسىنىلعان.
