2019 جىلى 30 ناۋرىزداعى قازاقستان رەسپۋبليكاسى ۇلتتىق بانكٸنٸڭ №40 "ۆاليۋتالىق وپەراتسييالاردى جٷزەگە اسىرۋ ەرەجەلەرٸن بەكٸتۋ تۋرالى" قاۋلىسىنا ەنگٸزٸلگەن ٶزگەرٸستەر كٷشٸنە ەندٸ, دەپ حابارلايدى Dalanews.kz.
بۇل ٶزگەرٸستەر بويىنشا, ۆاليۋتا ساتىپ الۋ كەزٸندە زاڭدى تۇلعالار, رەزيدەنتتەر, ەگەر بٸر جۇمىس كٷنٸ ٸشٸندە تەڭگەمەن ساتىپ الىنعان شەتەل ۆاليۋتاسىنىڭ جالپى سوماسى 50 مىڭ اقش دوللارىنان اسسا, ساتىپ الۋ ماقساتىن كٶرسەتۋٸ جەنە بانككە ۆاليۋتالىق كەلٸسٸمشارتتى ۇسىنۋى كەرەك. سونىمەن قاتار پايدالانىلماعان ۆاليۋتانى كەرٸ ساتۋ تۋرالى نۇسقاۋ بەرٸلۋٸ تيٸس. ەگەر جالپى ساتىپ الۋ سوماسى 50 مىڭ اقش دوللارىنان اساتىن بولسا, بۇرىن جاسالعان ٶتٸنٸمدەر ەسكەرٸلە وتىرىپ, بارلىق ٶتٸنٸمدەردٸڭ جالپى سوماسى ەسەپتەلەدٸ. قۇجاتتاردى جەنە كەرٸ ساتۋ نۇسقاۋىن ۇسىنباي, كليەنت بٸر وپەراتسييالىق كٷندە بانك ارقىلى كەز كەلگەن ماقساتقا ارنالعان 50 مىڭ اقش دوللارىنا دەيٸنگٸ ۆاليۋتانى ساتىپ الا الادى.
بۇل تالاپتى ورىنداۋ ٷشٸن ساتىپ الۋ سوماسىنا قاراماستان, ۆاليۋتالىق كەلٸسٸمشارت بويىنشا مٸندەتتەمەلەردٸ ورىنداۋعا ارنالعان ۆاليۋتانى ساتىپ الۋ ٷشٸن بانككە ۆاليۋتالىق كەلٸسٸمشارتتى ۇسىنۋ قاجەت.
ەگەر شەتەل ۆاليۋتاسى بٸر بانكتەن ەكٸنشٸ ۋەكٸلەتتٸ بانككە اۋدارىلاتىن بولسا, بۇرىن ساتىپ الىنعان ۆاليۋتانىڭ اۋدارىلۋى تۋرالى ٶتٸنٸشتە ۆاليۋتانىڭ ساتىپ الىنعان كٷنٸ, سونداي-اق ۆاليۋتالىق كەلٸسٸمشارتتىڭ نٶمٸرٸ مەن كٷنٸ كٶرسەتٸلۋٸ تيٸس. ەگەر بۇل اقپارات ٶتٸنٸشتە بولماسا, بانك كليەنتكە وپەراتسييانى جٷرگٸزۋدەن باس تارتادى.
