قازاقستاندا ۇيالى تەلەفونداردى تەكسەرۋ مەن راستاۋ (ۆەريفيكاتسييا) ٸسٸ مەملەكەت قۇزىرەتٸنە بەرٸلۋٸ مٷمكٸن, دەپ حابارلايدى dalanews.kz.
مەجٸلٸس باسپاسٶز قىزمەتٸنٸڭ مەلٸمەتٸنشە, ماقۇلدانعان زاڭ جوباسىندا ابونەنتتٸك قۇرىلعىلاردى ۆەريفيكاتسييالاۋ سالاسىنا مەملەكەتتٸك مونوپولييا ەنگٸزۋ قاراستىرىلعان. بۇل مٸندەتتٸ مەملەكەتتٸك راديوجيٸلٸك قىزمەتٸنە بەرۋ ۇسىنىلعان.
دەپۋتاتتاردىڭ ايتۋىنشا, مۇنداي ٶزگەرٸس ازاماتتارعا ساتىپ العان تەلەفونىنىڭ تٷپنۇسقا ەرٸ ساپالى ەكەنٸنە كەپٸلدٸك بەرۋگە مٷمكٸندٸك بەرەدٸ. سونىمەن قاتار بۇل شارا قوعامدىق جەنە جەكە قاۋٸپسٸزدٸكتٸ كٷشەيتٸپ, نارىقتاعى ادال بەسەكەنٸ قالىپتاستىرۋعا, باعانىڭ اشىق بولۋىنا جەنە كەدەندٸك باقىلاۋدى كٷشەيتۋگە ىقپال ەتپەك. سونداي-اق ۇيالى تەلەفون ۇرلىعىنىڭ سانىن ازايتۋعا كٶمەكتەسەدٸ.
زاڭ جوباسىندا بۇدان بٶلەك, تەلەفون الاياقتىعىنىڭ الدىن الۋ جەنە ونىڭ جولىن كەسۋ ٷشٸن اقپاراتتىق-تالداۋ جۇمىستارىن كٷشەيتۋ كٶزدەلگەن. سونداي-اق دەرەكتەردٸ ٶڭدەۋ ورتالىقتارىنىڭ ينفراقۇرىلىمىن دامىتۋ جەنە تەلەكوممۋنيكاتسييا سالاسىنا جاڭا تەحنولوگييالاردى ەنگٸزۋ جوسپارلانىپ وتىر.
وعان قوسا, حالىقارالىق ترافيكتٸ ورتالىقتاندىرىلعان تەلەكوممۋنيكاتسييالىق باسقارۋ جٷيەلەرٸن اينالىپ ٶتپەي ٶتكٸزۋ تەرتٸبٸ ناقتىلانىپ, رۇقسات ەتٸلمەگەن ترافيكتٸ ٶتكٸزۋگە جەنە بايلانىس جەلٸلەرٸن زاڭسىز پايدالانۋعا تىيىم سالۋ ۇسىنىلعان.
