مەجٸلٸس «توپىراقتى قورعاۋ تۋرالى» دەپۋتاتتىق زاڭ جوباسىن جەنە وعان ٸلەسپە تٷزەتۋلەردٸ بٸرٸنشٸ وقىلىمدا ماقۇلدادى, دەپ حابارلايدى dalanews.kz.
«توپىراقتى قورعاۋ تۋرالى» دەپۋتاتتىق زاڭ جوباسىن جەنە وعان ٸلەسپە تٷزەتۋلەردٸ بٸرٸنشٸ وقىلىمدا ماقۇلدادى. قۇجاتتىڭ نەگٸزگٸ ماقساتى - بٸرىڭعاي زاڭنامالىق اكت اياسىندا توپىراقتى باسقارۋ, ونى قورعاۋ, قۇنارلىلىعىن ساقتاۋ مەن ارتتىرۋ, سونداي-اق جەرلەردٸڭ توزۋىنىڭ الدىن الۋ ٷشٸن تۇتاس قۇقىقتىق نەگٸز قالىپتاستىرۋ. بۇل رەتتە قۇجات جەردٸ الىپ قويۋ مەسەلەلەرٸن رەتتەمەيدٸ, بٸراق ولاردىڭ ساپاسىن ساقتاۋعا جەنە ودان ەرٸ ناشارلاۋىنا جول بەرمەۋگە باعىتتالعان بٸرقاتار تالاپتاردى ەنگٸزەدٸ. اتاپ ايتقاندا, زاڭ جوباسى «توپىراق» ۇعىمىنىڭ ٶزٸن ناقتىلاپ, ونى كەڭٸرەك «جەر» ۇعىمىنان بٶلٸپ كٶرسەتەدٸ», - دەلٸنگەن مەجٸلٸس حابارلاماسىندا.
دەپۋتاتتاردىڭ ايتۋىنشا, بۇل توپىراقتى قورعاۋ مەن ۇتىمدى پايدالانۋ بويىنشا جەكە شارالاردى بەكٸتۋگە مٷمكٸندٸك بەرەدٸ.
«وسى سالاداعى مەملەكەتتٸك ساياساتتى ٸسكە اسىرۋ بويىنشا جەرگٸلٸكتٸ اتقارۋشى ورگانداردىڭ ٶكٸلەتتٸكتەرٸ, سونىڭ ٸشٸندە توپىراقتى قورعاۋ جٶنٸندەگٸ ٶڭٸرلٸك ٸس-شارالار جوسپارلارىن ەزٸرلەۋ مەن ورىنداۋ قۇزىرەتٸ ايقىندالادى. سونىمەن قاتار, عىلىمي زەرتتەۋلەردٸڭ باسىم باعىتتارى بەلگٸلەنەدٸ, بۇل عىلىمي جۇمىستارداعى قازٸرگٸ بىتىراڭقىلىق پەن جٷيەسٸزدٸكتٸ جويۋعا تيٸس. زاڭ جوباسى توپىراق قاسيەتتەرٸن قالپىنا كەلتٸرۋ بويىنشا مٸندەتتٸ شارالاردى دا ەنگٸزەدٸ. وندا توپىراق قورعاۋ تەحنولوگييالارىن قولدانۋ, اۋىسپالى ەگٸستٸ ەنگٸزۋ جەنە عىلىمي نەگٸزدەلگەن جٷيە بويىنشا تىڭايتقىش قولدانۋ قاراستىرىلعان», - دەپ حابارلادى مەجٸلٸس.
قۇجاتتا قاۋٸپتٸ حيمييالىق زاتتاردىڭ شامادان تىس جينالۋىنا جول بەرمەۋ جەنە توپىراق جاعدايىنا قاراي كەيبٸر اۋىل شارۋاشىلىعى داقىلدارىن ٶسٸرۋگە شەكتەۋ قويۋ دا كٶزدەلگەن.
«بۇدان بٶلەك, توپىراقتى سۋ باسۋدان, باتپاقتانۋدان, قايتالاما تۇزدانۋدان, توزۋدان, قۇرعاۋدان جەنە تىعىزدالۋدان قورعاۋ تالاپتارى, سونداي-اق توزعان جەرلەردٸ قالپىنا كەلتٸرۋ شارالارى بەكٸتٸلەدٸ. بۇل تالاپتاردى ٸسكە اسىرۋ توپىراقتىق جەنە اگروحيمييالىق زەرتتەۋلەر مەلٸمەتتەرٸنە نەگٸزدەلەتٸن بولادى. سونىمەن قاتار توپىراق دەگراداتسيياسىنىڭ بولجامدى مودەلدەرٸن جاساۋ, جەردٸ قاشىقتان زوندتاۋ دەرەكتەرٸن جەنە توپىراق كٷيٸن تالداۋ مەن كارتاعا تٷسٸرۋ ٷشٸن جاساندى ينتەللەكت تەحنولوگييالارىن پايدالانۋ سىندى قوسىمشا زاماناۋي مونيتورينگ قۇرالدارىن ەنگٸزۋ كٶزدەلگەن», - دەلٸنگەن حابارلامادا.
مەجٸلٸستە زاڭ جوباسىمەن جۇمىس بارىسىندا اگراريلەرگە قاتىستى تالاپتاردىڭ دا كٷشەيتٸلگەنٸ ايتىلدى.
«توپىراقتى قورعاۋ تۋرالى» زاڭ جوباسىمەن جۇمىس بارىسىندا دەپۋتاتتار ونىڭ نەگٸزگٸ ەرەجەلەرٸن ناقتىلاپ, كٷشەيتتٸ. ەڭ الدىمەن, ورتالىق ۋەكٸلەتتٸ ورگان رەتٸندە اۋىل شارۋاشىلىعى مينيسترلٸگٸ بەلگٸلەنٸپ, ونىڭ نەگٸزگٸ ٶكٸلەتتٸكتەرٸ بەكٸتٸلٸپ وتىر. سونىمەن قاتار, توپىراقتى جەنە اگروحيمييالىق زەرتتەۋلەردٸ, توپىراقتى قورعاۋ مەن ونىڭ مونيتورينگٸ بويىنشا باسقا دا ٸس-شارالاردى جٷرگٸزۋ تەتٸكتەرٸ رەگلامەنتتەلەدٸ. مۇنداي جۇمىستاردىڭ نەتيجەلەرٸ مەن پراكتيكالىق ۇسىنىمدار كٶپشٸلٸككە قولجەتٸمدٸ بولادى جەنە ەلەكتروندىق اۋىل شارۋاشىلىعى كارتاسىندا كٶرسەتٸلەدٸ», - دەپ حابارلادى مەجٸلٸس.
دەپۋتاتتاردىڭ مەلٸمەتٸنشە, جەر قۇقىق قاتىناستارى سۋبەكتٸلەرٸنٸڭ قۇقىقتارى مەن مٸندەتتەرٸ دە بٶلەك بەكٸتٸلەدٸ.
«سونىڭ ٸشٸندە توپىراقتىڭ قۇنارلى قاباتىن قورعاۋ بويىنشا تالاپتار ەنگٸزٸلەدٸ. اتاپ ايتقاندا, جۇمىس كەزٸندە ونى مٸندەتتٸ تٷردە سىپىرىپ الۋ, دۇرىس ساقتاۋ جەنە كەيٸننەن پايدالانۋ, سونداي-اق ونى سىرتقا شىعارۋعا تىيىم سالۋ قاراستىرىلعان. ٸلەسپە زاڭ جوباسى قولدانىستاعى زاڭنامانى جاڭا نورمالارمەن ٷندەستٸرۋگە باعىتتالعان. اتاپ ايتقاندا, اۋىل شارۋاشىلىعى جەرلەرٸن بەرگەن كەزدە مٸندەتتٸ تٷردە اۋىل شارۋاشىلىعى جەرٸنٸڭ پاسپورتىن بەرۋ ەنگٸزٸلەدٸ», - دەلٸنگەن حابارلامادا.
مەجٸلٸس مەلٸمەتٸنشە, ارنايى پاسپورتتا جەردٸڭ نەگٸزگٸ اگروحيمييالىق كٶرسەتكٸشتەرٸ تٸركەلەدٸ.
«ول بونيتەت بالىن, قاراشٸرٸك مٶلشەرٸن, ازوت, فوسفور جەنە كاليي دەڭگەيٸن, تۇزدانۋ دەرەجەسٸن, قىشقىلدىعىن, مەحانيكالىق قۇرامىن جەنە توپىراقتىڭ باسقا دا سيپاتتامالارىن تٸركەيتٸن رەسمي قۇجاتقا اينالادى», - دەپ حابارلادى مەجٸلٸس.
