ازاماتتىق بەلسەندٸ جارقىن كٷرەنتاەۆ وليگارحتار قازاقستانعا قارسى شىققانىن, ەلدەن تانكەر ارقىلى ديزەل ۇرلانباق بولعانىن ايتتى, - دەپ حابارلايدى Dalanews.kz.
«وليگارحتار قازاقستانعا قارسى. اقتاۋداعى ساۋدا تەڭٸز كەمەجايىندا مەليانا تانكەرٸنٸڭ («باتىسنەفتەترەيد» جشس-نە تيەسٸلٸ) تۇرعانىنا بٸر جىل بولدى. تانكەردە مۇناي ٶنٸمدەرٸ بار. شەكارا قىزمەتكەرلەرٸنٸڭ ويىنشا, قۇجات بويىنشا پەش وتىن دەگەن سىڭايمەن ديزەل وتىنىن ەزەربايجانعا, ناقتى ايتقاندا ەلدەگٸ SOCAR مەملەكەتتٸك كومپانيياسىنا ەكسپورتتالماق بولعان. كونتراباندا كەزٸندە مەليانا تانكەرٸ اشىق تەڭٸزدە كەتٸپ بارا جاتقان كەزٸندە باسىپ الىندى. بۇل ٸس بويىنشا قىلمىستىق ٸسپەن ماڭعىستاۋ وبلىسى بويىنشا ۇلتتىق قاۋٸپسٸزدٸك كوميتەتٸ اينالىسىپ جاتىر. بۇعان دەيٸن بۇل ٸسپەن ماڭعىستاۋ وبلىسىنىڭ ەكونوميكالىق تەرگەۋ دەپارتامەنتٸ اينالىسقان. ال ولار بۇل ٸستٸ جاۋىپ جٸبەرۋگە تىرىسقان», - دەيدٸ كٷرەنتاەۆ.
ونىڭ سٶزٸنشە, بۇل ٸستٸڭ ارتىندا قازاقستاندى توناۋعا تىرىسقان بٸر وليگارح تۇر.
«ولاردىڭ (ەكونوميكالىق تەرگەۋ دەپارتامەنتٸنٸڭ) ەرەكەتٸن باسقا قالاي تٷسٸنە الامىز? سەبەبٸ ەكونوميكالىق تەرگەۋ دەپارتامەنتٸ «باتىسنەفتەترەيد» جشس-نە قاتىستى قىلمىستىق ٸستەردٸ بۇعان دەيٸن دە بٸرنەشە رەت جاۋىپ تاستاعان. سوندا مەملەكەتتٸك مٷددەنٸ تەك ۇقك قورعاي ما? ال پروكۋراتۋرا, انتيكور, وبلىس ەكٸمٸ قايدا قاراپ وتىر? بٸرٸنشٸدەن, كەيبٸر مۇناي ٶنٸمدەرٸن ەكسپورتتاۋعا تىيىم سالىنعان. پەش وتىنى مەن ديزەل وتىنىنان مەملەكەت بيۋدجەتٸنە تٷسەتٸن كەدەن سالىقتارىنىڭ ايىرماشىلىعى ٶتە كٶپ, ميلليارد بولۋى دا مٷمكٸن. ەكٸنشٸدەن, بۇل جەكە مەنشٸكتەگٸ تانكەر. ٷشٸنشٸدەن, تەرگەۋ ورگاندارى ساراپتاما جٷرگٸزە الماي جٷرگەنٸنە بٸر جىلداي بولدى. بەلكٸم سول ساراپتامانى جٷرگٸزگٸسٸ دە كەلمەيتٸن شىعار», - دەيدٸ ازاماتتىق بەلسەندٸ.
جارقىن كٷرەنتاەۆتىڭ سٶزٸنشە, تەرگەۋدٸڭ توقتاپ قالۋىنا بٸرنەشە سەبەپ ايتىلعان. سونىڭ بٸرٸ - پەش وتىنى مينۋس 20 گرادۋستا قاتىپ قالعان دەسەدٸ.
«بۇلاردىڭ باسى ٸستەمەي مە, ەلدە بٸزدٸ اقىماق كٶرە مە? مينۋس گرادۋستا قاتىپ قالاتىن ول قانداي پەش وتىنى? مۇناي تانكەرٸ كونتراباندا قۇرالى رەتٸندە قازاقستان پايداسى ٷشٸن تەركٸلەنۋٸ قاجەت! بٸراق بٸرەۋ ونى مەملەكەتپەن بٶلٸسكٸسٸ كەلمەي وتىر. ال ەندٸ ويلانىپ كٶرەيٸكشٸ, قازاقستاندا مۇناي تانكەرٸن تۇتاس يەمدەنٸپ الۋعا كٸمنٸڭ جاعدايى جەتەدٸ? مۇناي ٶڭدەيتٸن زاۋىتقا كٸم يەلٸك ەتۋٸ مٷمكٸن? ەزەربايجاننىڭ مەملەكەتتٸك مۇناي كومپانيياسىمەن كەلٸسٸمشارت جاساۋعا كٸمنٸڭ قاۋقارى جەتەدٸ? ول كٸم بولسا دا ونىڭ قازاقستانعا تٷكٸرگەنٸ بار. ول قازاقستانعا, قازٸرگٸ بيلٸككە قارسى «سوعىس اشقان» ادام», - دەيدٸ كٷرەنتاەۆ.
ەڭ قىزىعى ماڭعىستاۋ وبلىسىندا بٸرنەشە جىل بۇرىن «باتىسنەفتەترەيد» كومپانيياسى 13,5 ميلليارد توننا مۇنايدى ساقتاۋ قىزمەتٸ ٷشٸن اقىسىن تٶلەگٸسٸ كەلمەگەن ەكەن. ولار بۇل ٸستە سوتتا جەڭٸلگەنٸمەن جوعارى سوتتا بۇل ٸسكە جاقىپ اسانوۆ ارالاسقان.
«بۇل ٸسكە جاقىپ اسانوۆ ارالاسقاننان كەيٸن «باتىسنەفتەترەيد» سٷتتەن اق, سۋدان تازا بولىپ شىققان. مەملەكەتكە قارسى الپاۋىت بٸرەۋ ٸسكە اسانوۆتى قوسقان», - دەيدٸ كٷرەنتاەۆ.
سونىمەن قاتار, «باتىسنەفتەترەيد» 3 ميلليارد تەڭگە سالىق تٶلەمەگەن. ال قازٸرگٸ تاڭدا سالىق كٶلەمٸ 5 ميللياردقا جەتكەن بولۋى مٷمكٸن.
