ق ر ۇلتتىق بانكى قارجى نارىعىنداعى رەتتەۋشىلەردىڭ 2029 جىلعا دەيىنگى سيفرلىق ترانسفورماسياسىنىڭ ستراتەگياسىن بەكىتتى. بۇل ستراتەگيادا سيفرلىق اكتيۆتەردىڭ، تەحنولوگيالاردىڭ، ESG تاۋەكەلدەرىنىڭ دامۋى مەن قارجى سەكتورى قۇرىلىمىنىڭ وزگەرۋى ەسكەرىلگەن، دەپ جازادى Dalanews.kz.
ق ر ۇلتتىق بانك باسپا ءسوز قىزمەتىنىڭ مالىمەتىنشە، ستراتەگيادا كەلەسى بۋىن ينفراقۇرىلىمىن دامىتۋدى، پەرسپەكتيۆالى تەحنولوگيالىق بازانى جانە دەرەكتەردى باسقارۋدىڭ زاماناۋي ينفراقۇرىلىمىن قۇرۋدى، سونداي-اق وت-قىزمەتتەرىنىڭ ءبىرىڭعاي ورتالىعىن قۇرۋدى جانە باسقارۋدىڭ يكەمدى ادىستەرىن ەنگىزۋدى قامتيتىن 100-دەن استام جوبا بار.
"ستراتەگيا قازاقستاننىڭ قارجى سەكتورىنداعى سيفرلىق ترانسفورماسيا بويىنشا كوشباسشى پوزيسياسىن ساقتاۋعا باعىتتالعان. ونىڭ اياسىندا سيفرلىق ورتالىق بانك قۇرۋ، سيفرلىق ينفراقۇرىلىم قارجى نارىعىنا قاتىسۋشىلاردىڭ بارلىعىنا بىردەي دارەجەدە قولجەتىمدى بولۋىنا جاعداي جاساۋ، بارىنشا ءتيىمدى جانە تۇراقتى قاداعالاۋ ءۇشىن دەرەكتەرگە نەگىزدەلگەن ادىس-تاسىلدەردى پايدالانۋ، زاماناۋي تەحنولوگيالار مەن اكت ينفراقۇرىلىمىن دامىتۋ، سونداي-اق دەرەكتەردى وڭدەۋ پروسەستەرىن ستاندارتتاۋ ارقىلى رەتتەۋ تالاپتارىن جەڭىلدەتۋ قاراستىرىلعان"، دەلىنگەن حابارلامادا.
سونىمەن قاتار، قۇب باسقارماسىنىڭ وتىرىسىندا ەكىنشى دەڭگەيلى بانكتەر مەن باسقا دا قارجى ۇيىمدارىنىڭ ەسەپ بەرۋىنە قاتىستى ەرەجەلەر مەن زاڭدارعا وزگەرىستەر ەنگىزۋ ماسەلەلەرى قاراستىرىلدى.
