قازاقستاندا سۋداعى قايعىلى وقيعالار جىل سايىن قايتالانىپ كەلەدٸ,دەپ حابارلايدى Dalanews.kz.
سوڭعى ٷش جىلدا ەلدە 688 ادام سۋعا باتىپ كٶز جۇمعان, ونىڭ 151-ٸ بالالار. تەك 2025 جىلعى شومىلۋ ماۋسىمىنىڭ العاشقى ەكٸ ايىندا 62 ادام قازا بولدى, ولاردىڭ 24-ٸ كەمەلەتكە تولماعاندار.
وسى ستاتيستيكادان كەيٸن ەلدە جٷزۋدٸ جٷيەلٸ تٷردە وقىتۋ مەسەلەسٸ كٷن تەرتٸبٸنە شىقتى. Qazaq Expert Club ساراپشىسى ەۆگەنيي ازارەۆتٸڭ ايتۋىنشا, 2026 جىلدان باستاپ الماتى مەن استانادا Swim Nation اتتى پيلوتتىق جوبا ٸسكە قوسىلادى. باعدارلامانى Qazaq Aquatics ەزٸرلەگەن.
جوبا اياسىندا ەر قالادا 1000 وقۋشى قامتىلادى. ەر بالا جىلىنا شامامەن 33–34 رەت جٷزۋ ساباعىنا قاتىسادى, ياعني اپتاسىنا بٸر رەت. بٸر قالاعا ارنالعان جوبانىڭ بولجامدى قۇنى 45 ملن تەڭگە. قاتىسۋ ەرٸكتٸ, مەكتەپ ٶزٸ شەشٸم قابىلدايدى. ەگەر نەتيجە تيٸمدٸ بولسا, باعدارلاما بٷكٸل ەلگە تاراتىلادى.
حالىقارالىق تەجٸريبە كٶرسەتكەندەي, مەكتەپتە جٷزۋدٸ ەنگٸزۋ بالالار اراسىنداعى سۋداعى ٶلٸمدٸ 20–30% ازايتا الادى. الايدا قازاقستانداعى باستى كەدەرگٸ ينفراقۇرىلىم بولىپ وتىر.
الماتىداعى قولدانىستاعى باسسەيندەردٸڭ جالپى اۋماعى 17,6 مىڭ شارشى مەتر عانا. قاجەتتٸلٸك 39,2 مىڭ شارشى مەتردەن اسادى. بۇل مەگاپوليستٸڭ ٶزٸندە باسسەيندەر نورماتيۆتەن ٷش ەسە از ەكەنٸن بٸلدٸرەدٸ. ايماقتاردا جاعداي ودان دا كٷردەلٸ. كٶپتەگەن شاعىن قالالاردا باسسەين جوق, ال بار نىساندار كٷردەلٸ جٶندەۋدٸ قاجەت ەتەدٸ. ورتا ەسەپپەن قازاقستاندا 1 ملن ادامعا 25 باسسەيننەن كەلەدٸ. بۇل ەۋروپا ەلدەرٸنەن بٸرنەشە ەسە تٶمەن.
تاعى بٸر تٷيٸن قارجىلاندىرۋعا تٸرەلەدٸ. كٶپتەگەن جاس سپورتشىلار جارىسقا بارۋ, قۇرال-جابدىق پەن وقۋ-جاتتىعۋ جيىندارىنىڭ شىعىنىن ٶزدەرٸ كٶتەرەدٸ. 2025 جىلدان باستاپ سۋ سپورتىن دامىتۋعا جاۋاپتى فەدەراتسييا دەمەۋشٸلەردٸ تارتۋ ارقىلى بۇل جٷكتەمەنٸ ازايتۋدى كٶزدەپ وتىر.
جٷزۋ قازاقستان ٷشٸن تەك سپورت ەمەس. بۇل بالالاردىڭ ٶمٸرٸن ساقتاۋدىڭ ناقتى جولى. Swim Nation جوباسى سۋداعى ٶلٸمدٸ ازايتۋعا جاسالعان العاشقى جٷيەلٸ قادام بولماق.
