قازاقستاندا شتاتى از، ءبىراق ءىرى جوبالاردى ورىندايتىن كومپانيالار تەكسەرىلەدى، دەپ حابارلايدى Dalanews.kz.
ەلدە مەملەكەتتىك ءىرى جوبالاردى از عانا قىزمەتكەرمەن اتقارىپ جۇرگەن مەردىگەر كومپانيالارعا اۋديت جۇرگىزىلەدى. سەبەبى - مەملەكەتتىك ساتىپ الۋداعى ەڭبەكاقى قورى بويىنشا مينيمالدى تالاپتاردىڭ ساقتالۋىن باقىلاۋ.
پرەمەر-مينيستر ولجاس بەكتەنوۆتىڭ ايتۋىنشا، مۇنداي فيرمالار جۇمىستىڭ كوبىن "كولەڭكەدە" اتقارادى، ياعني تىركەلمەگەن جۇمىسشىلار مەن شەتەلدىك ەڭبەك كۇشىن پايدالانادى.
سول ءۇشىن ۇكىمەت ەڭبەكاقى تولەۋ قورى بويىنشا ناقتى تالاپتاردى زاڭمەن بەكىتۋدى جانە قۇرىلىس نىساندارىنداعى ناقتى جۇمىسپەن قامتۋدى قاتاڭ قاداعالاۋدى ۇسىندى.
