قازاقستاننىڭ بٸرقاتار ٶڭٸرٸندە شەتەل ازاماتتارىنا عانا ارنالعان ويىن ايماقتارىن قۇرۋ مٷمكٸندٸگٸ زەرتتەلدٸ, دەپ حابارلايدى Dalanews.kz.
تۋريزم جەنە سپورت مينيسترلٸگٸنٸڭ مەلٸمەتٸ بويىنشا زەرتتەۋ تۋريستٸك سالانى دامىتۋ جەنە شەتەلدٸك اعىندى ارتتىرۋ ماقساتىندا جٷرگٸزٸلگەن. ەڭگٸمە قازاقستان ازاماتتارىنا كٸرۋگە شەكتەۋ قويىلاتىن, تەك شەتەلدٸك تۋريستەرگە باعىتتالعان كازينو ايماقتارى تۋرالى بولىپ وتىر. مينيسترلٸك دەرەگٸنشە, حالىقارالىق تەجٸريبە مۇنداي مودەلدٸڭ كۋرورتتىق ينفراقۇرىلىمدى دامىتۋعا ىقپال ەتٸپ, ٸشكٸ ەلەۋمەتتٸك ورتاعا تٸكەلەي ەسەر ەتپەيتٸنٸن كٶرسەتەدٸ.
زەرتتەۋ قورىتىندىسىنا سەيكەس, ماڭعىستاۋ وبلىسىندا تۇرعىنداردىڭ 46 پايىزى شەتەلدٸكتەرگە ارنالعان كازينو اشۋدى قولداعان. بولجام بويىنشا, 2029 جىلعا قاراي ٶڭٸرگە شامامەن 148 مىڭ شەتەلدٸك تۋريست كەلٸپ, 7 مىڭعا جۋىق تۇراقتى جۇمىس ورنى اشىلىپ, بيۋدجەتكە 1,2 ملرد تەڭگە سالىق تٷسۋٸ مٷمكٸن.
جەتٸسۋ وبلىسىندا ساۋالناماعا قاتىسقانداردىڭ 67 پايىزى مۇنداي باستاماعا قارسى ەمەس. ەسەپتەۋلەرگە سەيكەس, ٶڭٸر جىل سايىن 36 مىڭعا دەيٸن شەتەلدٸك تۋريست قابىلداپ, شامامەن 700 جۇمىس ورنى قۇرىلىپ, بيۋدجەتكە 2,4 ملرد تەڭگە سالىق تٷسۋٸ ىقتيمال.
ال الماتى وبلىسىندا رەسپوندەنتتەردٸڭ 54,5 پايىزى قازاقستان ازاماتتارى ٷشٸن شەكتەۋٸ بار ويىن ايماقتارىن قۇرۋدى قولداعان. ەكونوميكالىق تالداۋ دەرەكتەرٸنە سٷيەنسەك, 2030 جىلعا قاراي ٶڭٸرگە كەلەتٸن شەتەلدٸك تۋريستەر سانى 22 810 ادامعا جەتٸپ, 2028 جىلعا دەيٸن ەكٸ ويىن ايماعى 6,5 ملرد تەڭگە سالىق تٷسٸمٸن جەنە 2 مىڭ تۇراقتى جۇمىس ورنىن قامتاماسىز ەتۋٸ مٷمكٸن.
مينيسترلٸك مەلٸمەتٸنشە, ويىن ايماقتارىن قۇرۋ جەنە ولاردىڭ قىزمەتٸ قازاقستان رەسپۋبليكاسىنىڭ «ويىن بيزنەسٸ تۋرالى» زاڭىنا قاتاڭ سەيكەس جٷزەگە اسىرىلادى. ايماقتاردىڭ ناقتى شەكاراسىن جەرگٸلٸكتٸ اتقارۋشى ورگاندار ايقىندايدى, ال جۇمىس تەرتٸبٸ تەك شەتەل ازاماتتارىن قابىلداۋدى كٶزدەيدٸ.
