قازاقستاندا ەڭبەك قىزمەتىن جۇزەگە اسىرۋ ءۇشىن جۇمىس بەرۋشىلەرگە شەتەلدىك جۇمىس كۇشىن تارتۋعا رۇقسات بەرىلگەن شەكتى سانى 2020 جىلعا رەسپۋبليكاداعى جۇمىس كۇشىنىڭ سانىنا قاتىستى 29 292 بىرلىكتى نەمەسە 0،32%-دى قۇرادى، دەپ حابارلايدى Dalanews.kz.
كۆوتا 2019 جىلى بەكىتىلگەن سانىمەن (48 700 بىرلىك) سالىستىرعاندا 40% – عا، ونىڭ ىشىندە 3 سانات بويىنشا (ماماندار) – 37%-عا جانە 4 سانات بويىنشا (بىلىكتى جۇمىسشىلار) – 23%-عا قىسقارتىلدى.
اقتوبە، باتىس قازاقستان، قىزىلوردا جانە سولتۇستىك قازاقستان وبلىستارى 4 سانات بويىنشا شەتەلدىك جۇمىسكەرلەردى تارتۋدان تولىقتاي باس تارتىپ، جۇمىس بەرۋشىلەردىڭ قاجەتتىلىگىن جەرگىلىكتى ماماندار ەسەبىنەن جابۋدى جوسپارلاپ وتىر.
كۆوتانى قابىلداۋ ىشكى ەڭبەك نارىعىن بىلىكتى ەمەس شەتەلدىك جۇمىس كۇشىنەن قورعاۋعا، قازاقستاندىق كادرلاردى كوبىرەك جۇمىسقا ورنالاستىرۋعا مۇمكىندىك بەرەدى، سونداي-اق جۇمىس بەرۋشىلەردىڭ بىلىكتى شەتەلدىك جۇمىس كۇشىنە دەگەن سۇرانىسىن قاناعاتتاندىرادى.
"ەكىنشى جارتىجىلدىقتا باس پروكۋراتۋرامەن بىرلەسىپ 30-دان اسا شەتەلدىك ماماندى جۇمىسقا تارتقان 105 ءىرى ءوندىرىس ورنىن تەكسەردىك.
ناتيجەسىندە ەڭبەك كوشى-قونى زاڭناماسىن بۇزعان 1000-نان اسا جايت انىقتالدى. بۇعان قوسا 27 كومپانيانىڭ ايلىق تولەۋ ماسەلەسىندە تەڭسىزدىككە جول بەرگەنىن انىقتادىق، مۇنداي 470 فاكتى تىركەلدى. بىردەن شارا قولداندىق. 397 اكىمشىلىك ءىس قوزعالىپ، جالپى سوماسى 100 ملن-نان اساتىن ايىپپۇل سالىندى.
بۇدان بۇرىن رۇقسات بەرىلگەن 703 رۇقساتنامانى كەرى قايتاردىق، 507 شەتەلدىك جۇمىسشى ەلدەرىنە قايتتى. ولاردىڭ ىشىندە – 250 جۇڭگو، 43 اعىلشىن جانە 40 البان ازاماتى بار"، – دەدى ەڭبەك جانە الەۋمەتتىك قورعاۋ ءمينيسترى ءبىرجان نۇرىمبەتوۆ.
ءمينيستردىڭ ايتۋىنشا شەتەلدىك جۇمىس كۇشىن تارتۋ كۆوتاسى بيىل 29 مىڭ ادامنان اسپاۋى ءتيىس. بىلتىر بۇل كورسەتكىش 49 مىڭ بىرلىكتى قۇراعان بولاتىن.
"29 مىڭ بىرلىك – شەكتى دەڭگەي. ەلدەگى شەتەلدىك جۇمىسشى سانى وسى مەجەدەن اسپاۋى ءتيىس.
1 تامىزعا دەيىن كومپانيالار جەرگىلىكتى اتقارۋشى ورگانىنا بيىلدىققا قانشا شەتەلدىك ماماندى جۇمىسقا تارتاتىنىن حابارلاۋى ءتيىس.
جەرگىلىكتى اتقارۋشى ورگاندار زاڭعا ساي شەشىم قابىلداۋ، الگى كومپانيالاردىڭ ءوتىنىشىن ءبىزدىڭ مينيسترلىككە جىبەرەدى، – دەيدى ەڭبەك جانە الەۋمەتتىك قورعاۋ ءمينيسترى.
