مەدەنيەت جەنە اقپارات ۆيتسە-مينيسترٸ ەۆگەنيي كوچەتوۆ قازاقستاندا شەتەلدٸك ەرتٸستەردٸڭ كونتسەرتتەرٸ قانداي جاعدايدا توقتاتىلۋى نەمەسە تىيىم سالىنۋى مٷمكٸن ەكەنٸن تٷسٸندٸردٸ, دەپ حابارلايدى Dalanews.kz.
ونىڭ ايتۋىنشا, بۇل تسەنزۋرا دا ەمەس, «قارا تٸزٸمدەر» دە ەمەس. قازاقستان شەتەلدٸك ورىنداۋشىلار ٷشٸن اشىق ەل بولىپ قالا بەرەدٸ, سٶز بوستاندىعى ساقتالادى. الايدا كونتسەرت ۇيىمداستىرۋ تەرتٸبٸ ٶزگەرەدٸ.
بۇعان دەيٸن ەرتٸستەر نەمەسە ولاردىڭ كوماندالارى الدىمەن الاڭ تاۋىپ, بيلەت ساتۋدى باستاپ, تەك سودان كەيٸن عانا قۇجاتتاردى رەسٸمدەۋگە كٸرٸسەتٸن. سونىڭ سالدارىنان ەكٸمدٸكتەر مەن تيٸستٸ ۆەدومستۆولار كونتسەرتتەر تۋرالى كٶبٸنە كەيٸن بٸلٸپ جاتاتىن, بيلەتتەر ساتىلىپ كەتكەن سوڭ, ەلەۋمەتتٸك جەلٸلەردەن كٶرەتٸن. كوچەتوۆ مۇنداي تەجٸريبەنٸ دۇرىس ەمەس دەپ اتادى.
ەندٸ جاڭا تەرتٸپ ەنگٸزٸلەدٸ. الدىمەن رەسمي كەلٸسٸمشارت جاسالادى, كەيٸن جەرگٸلٸكتٸ بيلٸكپەن كەلٸسۋ جٷرگٸزٸلەدٸ, تەك سودان سوڭ عانا بيلەت ساتىلىمى باستالادى. وسىلايشا مەملەكەتتٸك ورگاندار كٸم كەلەتٸنٸن, قانداي باعدارلامامەن جەنە قانداي شارتتارمەن ٶنەر كٶرسەتەتٸنٸن الدىن الا بٸلەتٸن بولادى.
كەلٸسٸمشارتتاردا ەرتٸستٸڭ مٸندەتتەمەلەرٸ ناقتى كٶرسەتٸلەدٸ. ەڭ باستىسى, كونتسەرت بارىسىندا ەل زاڭدارىن بۇزاتىن كونتەنت بولماۋى تيٸس: ەسٸرتكٸنٸ ناسيحاتتاۋ, پورنوگرافييا, مەملەكەتتٸك قۇرىلىمعا قارسى ٷندەۋلەر نەمەسە ٶزگە دە تىيىم سالىنعان تاقىرىپتار.
ەگەر رەپەرتۋاردا داۋلى شىعارمالار بولسا, ەرتٸسكە ولاردى قازاقستان ساحناسىندا ورىنداماۋ جٶنٸندە ۇسىنىس بەرٸلەدٸ. وسى تالاپتار ساقتالعان جاعدايدا كونتسەرت ٶتكٸزۋگە ەشقانداي كەدەرگٸ بولمايدى.
