قازاقستاندا شەتەل ازاماتتارىنىڭ ەلگە كٸرۋ تەرتٸبٸنە ٶزگەرٸس ەنگٸزۋ ۇسىنىلدى. ٸشكٸ ٸستەر مينيسترلٸگٸ يمميگرانتتاردىڭ قازاقستانعا كٸرۋٸ مەن ەلدە بولۋى قاعيدالارىنا تٷزەتۋلەر جوباسىن ەزٸرلەپ, ونى "اشىق نقا" پورتالىندا قوعامدىق تالقىلاۋعا شىعاردى, دەپ حابارلايدى dalanews.kz.
قۇجات 17 تامىزعا دەيٸن قوعامدىق تالقىلاۋدا بولادى. جوباعا سەيكەس شەتەل ازاماتتارى مەن ازاماتتىعى جوق ادامدارعا قازاقستانعا كٸرۋگە ەلەكترون رۇقسات بەرۋ تەتٸگٸ ەنگٸزٸلەدٸ.
مينيسترلٸكتٸڭ مەلٸمەتٸنشە, بۇل جٷيە كٶشٸ-قون باقىلاۋىن كٷشەيتٸپ, كٶشٸ-قون اعىنىن ەسەپكە الۋدى اشىق ەرٸ تيٸمدٸ جٷرگٸزۋگە مٷمكٸندٸك بەرەدٸ. سونداي-اق, ەلگە كەلەتٸن شەتەلدٸكتەردٸڭ ەسەبٸن دەلٸرەك جٷرگٸزٸپ, كٶشٸ-قون رەسٸمدەرٸنٸڭ بٸر بٶلٸگٸن اۆتوماتتاندىرۋ كٶزدەلگەن.
جوبا ەلەكترون رۇقسات ٷشٸن سارالانعان تٶلەم ەنگٸزۋدٸ دە قاراستىرادى. بۇل قاراجات تسيفرلىق جٷيەنٸڭ ٷزدٸكسٸز جۇمىسىن قامتاماسىز ەتۋگە, تەحنيكالىق قىزمەت كٶرسەتۋگە, ينفراقۇرىلىمدى جاڭعىرتۋعا جەنە جەكە دەرەكتٸ قورعاۋعا جۇمسالادى.
ەلەكترون رۇقسات بەرۋ جٷيەسٸن 2026 جىلعى تامىز مەن جەلتوقسان ارالىعىندا كەزەڭ-كەزەڭٸمەن ەنگٸزۋ جوسپارلانىپ وتىر.
