Qazaqstanda shetel azamattarynyń elge kirý tártibine ózgeris engizý usynyldy. Ishki ister ministrligi immigranttardyń Qazaqstanǵa kirýi men elde bolýy qaǵidalaryna túzetýler jobasyn ázirlep, ony "Ashyq NQA" portalynda qoǵamdyq talqylaýǵa shyǵardy, dep habarlaidy dalanews.kz.
Qujat 17 tamyzǵa deiin qoǵamdyq talqylaýda bolady. Jobaǵa sáikes shetel azamattary men azamattyǵy joq adamdarǵa Qazaqstanǵa kirýge elektron ruqsat berý tetigi engiziledi.
Ministrliktiń málimetinshe, bul júie kóshi-qon baqylaýyn kúsheitip, kóshi-qon aǵynyn esepke alýdy ashyq ári tiimdi júrgizýge múmkindik beredi. Sondai-aq, elge keletin sheteldikterdiń esebin dálirek júrgizip, kóshi-qon rásimderiniń bir bóligin avtomattandyrý kózdelgen.
Joba elektron ruqsat úshin saralanǵan tólem engizýdi de qarastyrady. Bul qarajat tsifrlyq júieniń úzdiksiz jumysyn qamtamasyz etýge, tehnikalyq qyzmet kórsetýge, infraqurylymdy jańǵyrtýǵa jáne jeke derekti qorǵaýǵa jumsalady.
Elektron ruqsat berý júiesin 2026 jylǵy tamyz men jeltoqsan aralyǵynda kezeń-kezeńimen engizý josparlanyp otyr.
