قازاقستاندا شەتەلدٸك بۇقارالىق اقپارات قۇرالدارىنىڭ ٶكٸلدٸكتەرٸ مەن جۋرناليستەرٸن اككرەديتتەۋ قاعيدالارى قايتا قارالماق. سىرتقى ٸستەر مينيسترلٸگٸ تيٸستٸ بۇيرىق جوباسىن ەزٸرلەدٸ, دەپ حابارلايدى dalanews.kz.
قۇجاتتىڭ سيپاتتاماسىندا ۇسىنىلعان ٶزگەرٸستەر حالىقارالىق تەجٸريبە مەن اقپاراتتىق ٶزارا ٸس-قيمىلدى ۇيىمداستىرۋدىڭ زاماناۋي تەسٸلدەرٸن ەسكەرە وتىرىپ دايىندالعانى كٶرسەتٸلگەن.
"جوبانىڭ ماقساتى – قازاقستان رەسپۋبليكاسىنىڭ سىرتقى ٸستەر مينيسترلٸگٸ جانىنداعى شەتەلدٸك بۇقارالىق اقپارات قۇرالدارى ٶكٸلدەرٸن اككرەديتتەۋ تەرتٸبٸن جەتٸلدٸرۋ. ۇسىنىلىپ وتىرعان ٶزگەرٸستەر ۇيىمداستىرۋشىلىق سيپاتقا يە جەنە قولدانىستاعى رەسٸمدەردٸ رەتكە كەلتٸرۋگە باعىتتالعان. سونىمەن بٸرگە بۇقارالىق اقپارات قۇرالدارىنىڭ كەسٸبي دەربەستٸگٸ ساقتالىپ, اككرەديتتەۋدەن ٶتۋدٸڭ تٷسٸنٸكتٸ ەرٸ اشىق شارتتارى قامتاماسىز ەتٸلەدٸ", – دەلٸنگەن جوبا سيپاتتاماسىندا.
سىرتقى ٸستەر مينيسترلٸگٸنٸڭ مەلٸمەتٸنشە, قۇجات قابىلدانعان جاعدايدا قۇقىقتىق, ەلەۋمەتتٸك نەمەسە ەكونوميكالىق تۇرعىدان تەرٸس سالدار تۋىندامايدى. سونداي-اق جاڭا تالاپتار ەلدٸڭ ۇلتتىق قاۋٸپسٸزدٸگٸنە كەرٸ ەسەر ەتپەيدٸ دەپ بولجانىپ وتىر.
ەزٸرگە اككرەديتتەۋ رەسٸمدەرٸنە ناقتى قانداي ٶزگەرٸستەر ەنگٸزٸلەتٸنٸ ەگجەي-تەگجەيلٸ حابارلانعان جوق.
