ءساۋىر مەن ماۋسىم ارالىعىندا قازاقستاندا رەسەيلىك قۇرىلتايشىلارى بار جۇمىس ىستەپ تۇرعان كاسىپورىندار سانى 728-گە قىسقارىپ، 17،6 مىڭعا جەتتى. بۇل تۋرالى ءبىرىنشى كرەديتتىك بيۋرو ساراپشىلارى مالىمدەدى، دەپ حابارلايدى Dalanews.kz.
بۇل — كەم دەگەندە 2019 جىلدىڭ باسىنان بەرگى ەڭ ءىرى تومەندەۋ. رەسەيلىك كومپانيالاردىڭ سانى قاتارىنان 15 اي بويى قىسقارىپ كەلەدى. 2024 جىلعى 1 ساۋىردەگى جاعداي بويىنشا مۇنداي كاسىپورىندار سانى 19،7 مىڭ بولعان.
"تەرىس ديناميكا رەسەيلىك بيزنەستىڭ بارلىق سالاسىنا اسەر ەتتى. جالپى قىسقارۋدىڭ 55 پايىزىن ەڭ ءىرى ەكى سالا – ساۋدا مەن اقپاراتتىق تەحنولوگيالار قۇرادى"، – دەپ اتاپ ءوتتى ساراپشىلار.
ال وزبەكستان قۇرىلتايشىلارى بار كاسىپورىندار سانى ەكىنشى توقساندا 527-گە ارتىپ، شامامەن 5400-گە جەتكەن. جۇڭگو قۇرىلتايشىلارى بار كومپانيالار سانى دا 500-گە ءوسىپ، 4500 شاماسىندا بولدى.
"وزبەكستاندىق كاسىپكەرلەردىڭ بەلسەندىلىگى نەگىزىنەن "باسقا قىزمەتتەر" سالاسىندا بايقالسا، قىتايلىق كومپانيالار سانى كوبىنەسە ساۋدا سالاسى ەسەبىنەن ارتتى"، – دەدى ماماندار.
