قازاقستاندا جۇمىس بەرۋشٸلەر ەڭ كٶپ ٸزدەيتٸن ماماندار ساتۋ جەنە كليەنتتەرگە قىزمەت كٶرسەتۋ باعىتىندا تٸركەلدٸ. HeadHunter.kz پلاتفورماسىنىڭ دەرەگٸنە سەيكەس, شٸلدە-قىركٷيەك ايلارى ارالىعىندا ەلٸمٸزدە 145 مىڭنان استام بەلسەندٸ ۆاكانسييا جارييالانعان, دەپ حابارلايدى Dalanews.kz.
بەلسەندٸلٸكتٸڭ ازداپ تٶمەندەۋٸنە قاراماستان, ەل بويىنشا ۇسىنىستار كٶلەمٸ جوعارى دەڭگەيدە ساقتالىپ وتىر. ەڭ كٶپ بوس جۇمىس ورنى دەستٷرلٸ تٷردە الماتى قالاسىنا تيەسٸلٸ — 40,1%, بٸراق بۇل بىلتىرعىمەن سالىستىرعاندا 3,8%-عا از. ەكٸنشٸ ورىندا — استانا (22,1%), مۇندا كەرٸسٸنشە ٶسٸم بايقالعان (+2,3%). ٷشٸنشٸ ورىندا قاراعاندى قالاسى (5,2%), مۇندا جۇمىس بەرۋشٸلەردٸڭ بەلسەندٸلٸگٸ ازداپ تٶمەندەگەن (-1,6%).
بۇل ٷش قالا ەلدەگٸ نەگٸزگٸ ٸسكەرلٸك ورتالىقتار بولىپ قالىپ وتىر. دەگەنمەن بٸرقاتار ٶڭٸردە وڭ ٶزگەرٸس بايقالادى:
• شىمكەنت – 4,7% (+4,1%);
• قوستاناي – 3,2% (+5,4%);
• پەتروپاۆل – 1,5% (+7,7%);
• كٶكشەتاۋ – 1,4% (+11,3%);
• تاراز – 1,1% (+3,4%).
ال كەرٸسٸنشە, كەيبٸر قالالاردا جۇمىس ۇسىنىستارى ازايعان:
اقتٶبە (-10,6%), اتىراۋ (-8,1%), اقتاۋ (-8,5%) جەنە ورال (-7,5%).
ساراپشىلار بۇل قۇبىلىستى ماۋسىمدىق جۇمىستاردىڭ اياقتالۋىمەن جەنە مۇناي-گاز, قۇرىلىس سيياقتى رەسۋرستىق سالالارداعى بەلسەندٸلٸكتٸڭ تٶمەندەۋٸمەن بايلانىستىرادى.
ەڭ سۇرانىسقا يە سالالار:
• ساتۋ جەنە كليەنتتەرگە قىزمەت كٶرسەتۋ – جالپى ۆاكانسييانىڭ 12,2%-ىن قۇرادى. بۇل باعىت كٶش باسىندا تۇرعانىمەن, ٶتكەن جىلمەن سالىستىرعاندا 5,4%-عا تٶمەندەگەن.
• ماركەتينگ, جارناما جەنە PR – 7,8% (-0,4%);
• جۇمىسشى كادرلار – 7,7% (+1,6%).
تۇراقتى ٶسٸم بايقالعان سالالار:
• ٶندٸرٸس پەن سەرۆيس – 5,3% (+5,9%);
• قۇرىلىس جەنە جىلجىمايتىن مٷلٸك – 5,6% (+2,8%);
• تۋريزم, قوناقٷيلەر جەنە مەيرامحانا بيزنەسٸ – 4,8% (+4,2%);
• قارجى جەنە بۋحگالتەرييا – 4,8% (+2,5%).
ايرىقشا ٶسٸم اقپاراتتىق تەحنولوگييالار سالاسىندا بايقالدى — 9%. ساراپشىلار مۇنى ەل ەكونوميكاسىنىڭ تسيفرلانۋى مەن بيزنەس-پروتسەستەردٸڭ جاڭعىرۋىمەن بايلانىستىرادى.
بەلسەندٸلٸگٸ تٶمەندەگەن باعىتتار:
• ەكٸمشٸلٸك قىزمەتكەرلەر – مينۋس 9,1%;
• كٶلٸك جەنە اۆتوقىزمەت كٶرسەتۋ – مينۋس 4,6%;
• سپورت جەنە فيتنەس – مينۋس 3,8%;
• ٷي قىزمەتٸ جەنە جەكە كٶمەكشٸلەر – مينۋس 2,3%.
سوعان قاراماستان, بۇل سالالار ەلٸ دە ەڭبەك نارىعىندا ٶز ورنىن ساقتاپ, جۇمىس بەرۋشٸلەر اراسىندا سۇرانىسقا يە بولىپ وتىر.
قورىتىندىلاي كەلە, ساراپشىلار III توقساننىڭ نەتيجەسٸ بويىنشا قازاقستان ەڭبەك نارىعىنىڭ تۇراقتى ەكەنٸن اتاپ ٶتتٸ.
“جاپپاي ماماندىقتار ەلٸ دە باسىم, الايدا IT, مەنەدجمەنت, ساقتاندىرۋ جەنە شيكٸزات ٶندٸرۋ سالالارى جاڭا جۇمىس ورىندارىنىڭ نەگٸزگٸ ٶسٸم نٷكتەسٸنە اينالىپ كەلەدٸ”, — دەلٸنگەن تالداۋ قورىتىندىسىندا.
