قازاقستان رەسپۋبليكاسى مەدەنيەت جەنە اقپارات مينيسترلٸگٸ «قالا حيكايالارى» اتتى جاڭا رەسپۋبليكالىق ەدەبي بايقاۋدى جارييالادى. پروزا جانرىنا ارنالعان بايقاۋ قازٸرگٸ قازاقستان قالالارىنىڭ تىنىس-تٸرشٸلٸگٸن كٶركەم شىعارمالار ارقىلى بەينەلەيتٸن جاڭا ەسٸمدەردٸ انىقتاۋعا جەنە قولداۋعا باعىتتالادى. بايقاۋعا قاتىسۋشىلارعا قالا مەدەنيەتٸ, ادام تاعدىرى, قوعامداعى ٶزگەرٸستەر, سونداي-اق ۇلتتىق بولمىس پەن زاماناۋي قۇندىلىقتاردىڭ ساباقتاستىعى تاقىرىپتارىن كٶركەم تۋىندىلار ارقىلى جەتكٸزۋ ۇسىنىلادى, دەپ حابارلايدى dalanews.kz.
ەدەبي بايقاۋعا قازاقستان رەسپۋبليكاسىنىڭ ازاماتتارى قاتىسا الادى. قاتىسۋ ٷشٸن كٶلەمٸ كەمٸندە 10 اۆتورلىق باسپا تاباق (بٸر اۆتورلىق باسپا تاباقتىڭ كٶلەمٸ 40 مىڭ باسپا تاڭباسىن قۇرايدى) بولاتىن, بۇرىن ەش جەردە جارييالانباعان قالا تاقىرىبىنداعى روماندار قابىلدانادى. ەر اۆتور بٸر عانا شىعارماسىن ۇسىنا الادى.
جەڭٸمپازداردى بەلگٸلٸ جازۋشىلار مەن قوعام قايراتكەرلەرٸنەن قۇرالعان قازىلار القاسى انىقتايدى. قورىتىندى شەشٸم اشىق داۋىس بەرۋ ارقىلى قابىلدانادى.
بايقاۋ قورىتىندىسى بويىنشا ٷزدٸك شىعارمالاردىڭ اۆتورلارى ديپلومدارمەن جەنە اقشالاي سىيلىقتارمەن ماراپاتتالادى. سونىمەن قاتار جٷلدەلٸ ورىن العان تۋىندىلار 15 مىڭ دانامەن باسىلىپ, ەلٸمٸزدٸڭ كٸتاپحانالارىنا تاراتىلادى.
رەسپۋبليكالىق بايقاۋ ەرەجەسٸنە سەيكەس, جەڭٸمپازدارعا مىناداي سىياقىلار بەلگٸلەنگەن:
- باس جٷلدە – 100 مىڭ اقش دوللارى;
- I ورىن – 75 مىڭ اقش دوللارى;
- II ورىن – 50 مىڭ اقش دوللارى;
- III ورىن – 30 مىڭ اقش دوللارى.
بايقاۋ جۇمىستارى 2026 جىلعى قىركٷيەك پەن جەلتوقسان ايلارى ارالىعىندا قابىلدانادى. قۇجات استانا قالاسى, مەڭگٸلٸك ەل داڭعىلى, 8, 14-كٸرەبەرٸس, قازاقستان رەسپۋبليكاسى مەدەنيەت جەنە اقپارات مينيسترلٸگٸنٸڭ مەكەنجايى بويىنشا ٶتكٸزٸلۋٸ قاجەت.
بايقاۋعا قاتىسۋ شارتتارى تۋرالى قوسىمشا اقپاراتتى +7 (7172) 74 04 07 جەنە +7 (7172) 74 04 08 تەلەفون نٶمٸرلەرٸ ارقىلى الۋعا بولادى.
