قازاقستاننىڭ تۇرعىن ٷيدٸ جالعا بەرۋ نارىعىندا باعا ٶسٸمٸ جالعاسۋدا. Krisha.kz دەرەكتەرٸنە سەيكەس, تامىز ايىندا ەلٸمٸزدٸڭ كٶپتەگەن قالالارىندا پەتەر جالداۋ قۇنى ايتارلىقتاي قىمباتتاعان, دەپ حابارلايدى dalanews.kz.
شٸلدە ايىنىڭ سوڭىنان تامىزدىڭ سوڭىنا دەيٸنگٸ ارالىقتا بارلىق ساناتتاعى باسپانانىڭ جالداۋ اقىسى ٶسكەن. ەڭ جوعارى ٶسٸم ەكٸ بٶلمەلٸ پەتەرلەردە تٸركەلدٸ – ولاردىڭ ورتاشا قۇنى بٸر ايدا 13 پايىزعا ارتقان. بٸر بٶلمەلٸ پەتەرلەردٸڭ باعاسى 11 پايىزعا, ال ٷش بٶلمەلٸ باسپانالار 10 پايىزعا قىمباتتاعان.
ساراپشىلاردىڭ ايتۋىنشا, جالداۋ نارىعىنداعى بۇل ٶزگەرٸس تەك استانا مەن الماتى سيياقتى ٸرٸ قالالارعا عانا تەن ەمەس. باعانىڭ ٶسۋٸ ٶڭٸرلٸك ورتالىقتاردىڭ كٶپشٸلٸگٸندە بايقالعان.
كەي ٶڭٸرلەردە باعا تٶرتتەن بٸرگە دەيٸن كٶتەرٸلگەن
بٸرقاتار قالالاردا پەتەر جالداۋ قۇنى بٸر ايدىڭ ٸشٸندە 20 پايىزدان استام ٶسكەن. مەسەلەن, قاراعاندى, قوستاناي جەنە پاۆلودار قالالارىندا ەكٸ بٶلمەلٸ پەتەرلەردٸڭ ورتاشا جالداۋ اقىسى 20–26 پايىزعا ٶسٸپ, 230–250 مىڭ تەڭگەگە دەيٸن جەتكەن. ال كٶكشەتاۋدا ٷش بٶلمەلٸ پەتەرلەردٸڭ باعاسى بٸردەن 30 پايىزعا قىمباتتاعان. پاۆلوداردا بٸر بٶلمەلٸ پەتەرلەردٸ جالداۋ قۇنى شامامەن 29 پايىزعا ارتقان.
استانا الماتىدان الدا
تامىز ايىندا استانا جالداۋ باعاسى بويىنشا الماتىدان وزىق تۇرعان قالالاردىڭ قاتارىندا قالدى. بۇعان دەيٸن شٸلدە ايىندا ەلوردا العاش رەت بۇل كٶرسەتكٸش بويىنشا الماتىنى باسىپ وزعان بولاتىن. قازٸر استانادا بٸر بٶلمەلٸ پەتەردٸ جالداۋ ٷشٸن ورتا ەسەپپەن 250 مىڭ تەڭگە قاجەت. الماتىدا مۇنداي باسپانانىڭ ورتاشا باعاسى 230 مىڭ تەڭگە. ەكٸ قالادا دا ەكٸ بٶلمەلٸ پەتەرلەردٸڭ ورتاشا جالداۋ قۇنى 350 مىڭ تەڭگە بولسا, ٷش بٶلمەلٸ باسپانالار شامامەن 500 مىڭ تەڭگەگە ۇسىنىلۋدا.
باعا تٶمەندەگەن جالعىز قالا
تامىز ايىنداعى مونيتورينگ نەتيجەسٸندە جالداۋ اقىسى ارزانداعان جالعىز قالا – قوناەۆ بولدى. بۇل قالادا بٸر بٶلمەلٸ پەتەرلەردٸڭ باعاسى ورتا ەسەپپەن 10 مىڭ تەڭگەگە تٶمەندەگەن. ال باسقا ساناتتاعى تۇرعىن ٷيلەردٸڭ جالداۋ قۇنى ايتارلىقتاي ٶزگەرٸسسٸز قالعان. وسىلايشا جاڭا وقۋ جىلى مەن ٸسكەرلٸك ماۋسىم قارساڭىندا تۇرعىن ٷيگە سۇرانىستىڭ ارتۋى جالداۋ نارىعىنداعى باعانىڭ ٶسۋٸنە ەسەر ەتٸپ وتىر.
