قازاقستاندا جاڭا پاتەرگە باستاپقى جارنا جيناۋ ۋاقىتى قالاعا بايلانىستى شامامەن 1،5 جىلدان 5 جىلعا دەيىن سوزىلۋى مۇمكىن. ورتا ەسەپپەن ەل بويىنشا بۇل مەرزىم 3 جىل 8 اي، الايدا وڭىرلەر اراسىندا ايىرماشىلىق ايتارلىقتاي، دەپ حابارلايدى Dalanews.kz.
مىسالى، جەزقازعان مەن اقتاۋ قالالارىندا باستاپقى جارنانى ەكى جىلعا جەتەر-جەتپەس ۋاقىتتا جيناۋعا بولادى. ال شىمكەنت، تاراز جانە تۇركىستان تۇرعىندارىنا بۇل ءۇشىن شامامەن بەس جىل قاجەت.
ەسەپتەۋلەر ءىرى قالالار بويىنشا 60 شارشى مەترلىك پاتەردىڭ 30% باستاپقى جارناسىن جيناۋعا كەتەتىن ۋاقىتقا نەگىزدەلگەن. باعالاۋ كەزىندە ورتاشا جالاقى، بجزق مەن الەۋمەتتىك تولەمدەر، سالىقتار، كۇنكورىس دەڭگەيى جانە جاڭا تۇرعىن ءۇيدىڭ ورتاشا باعاسى ەسكەرىلگەن. بۇل رەتتە جيناقتىڭ تابىستىلىعى مەن وتباسى مۇشەلەرىنىڭ سانى ەسەپكە الىنباعان.
سونىمەن قاتار، قارجى نارىعىن رەتتەۋ جانە دامىتۋ اگەنتتىگى مەن قازاقستان ۇلتتىق بانكى يپوتەكا مولشەرلەمەسىن باستاپقى جارنا كولەمىنە بايلانىستىرۋدى جوسپارلاپ وتىر. ەگەر باستاپقى جارنا 30%-دان تومەن بولسا، مولشەرلەمە شامامەن 25%-عا دەيىن جەتۋى مۇمكىن. ال 30% جانە ودان جوعارى بولسا، پايىزدىق مولشەرلەمە تومەن بولادى.
