قازاقستاندا ناۋقاستاردىڭ جەكە مەديتسينالىق دەرەكتەرٸن ساقتاۋ مەرزٸمٸ قىسقارماق, دەپ حابارلايدى Dalanews.kz.
“الماتى” ارناسىنىڭ مەلٸمەتٸنشە, دەنساۋلىق ساقتاۋ مينيسترلٸگٸ بۇل ٶزگەرٸستٸ ارنايى قۇجاتقا ەنگٸزۋدٸ جوسپارلاپ وتىر.
جاڭا ەرەجەگە سەيكەس, رەنتگەن جەنە بيوماگنيتتٸك سۋرەتتەر, كومپيۋتەرلٸك توموگرافييا نەتيجەلەرٸ, ەندوسكوپييالىق زەرتتەۋلەر سيياقتى بٸرقاتار مەديتسينالىق بەينەلەر ەندٸ 15 جىلعا دەيٸن عانا ساقتالاتىن بولادى.
بۇل ٶزگەرٸستەرگە قاتىستى تٷسٸنٸكتەمە بەرگەن دەنساۋلىق ساقتاۋ مينيسترلٸگٸ ەلەكتروندىق دەنساۋلىق ساقتاۋدى دامىتۋ دەپارتامەنتٸنٸڭ باس ساراپشىسى نۇرماحان مەلدەحانوۆ مەديتسينالىق دەرەكتەردٸ ساقتاۋ مەرزٸمٸنە ناقتى رەگلامەنت ەنگٸزٸلەتٸنٸن اتاپ ٶتتٸ.
“قازٸرگٸ تاڭدا ەرەسەكتەردٸڭ مەديتسينالىق بەينەلەرٸ 10 جىل, 15 جاستان جوعارى بالالاردىڭ دەرەكتەرٸ 15 جىل بويى ساقتالادى. بۇعان دەيٸن قازاقستاندا مەديتسينالىق بەينەلەردٸ ساقتاۋ مەرزٸمٸن ناقتى رەتتەيتٸن نورماتيۆتٸك-قۇقىقتىق اكتٸلەر بولماعان. جاڭا ٶزگەرٸستەر وسى ولقىلىقتى جويادى. قۇجات قازٸرگٸ ۋاقىتتا تالقىلاۋ كەزەڭٸندە, كەيٸن رەسمي تٷردە قابىلداناتىن بولادى”, – دەدٸ نۇرماحان مەلدەحانوۆ.
مامان بۇل ٶزگەرٸستەر مەديتسينالىق مەكەمەلەر مەن قىزمەتكەرلەرگە قوسىمشا جٷكتەمە تٷسٸرمەيدٸ دەپ سەندٸردٸ.
“كەرٸسٸنشە, جاڭا رەگلامەنت جۇمىس بارىسىن جەڭٸلدەتەدٸ. بۇرىن مەديتسينالىق بەينەلەر 20-25 جىلعا دەيٸن ساقتالاتىن. ەندٸ ناقتى مەرزٸم بەكٸتٸلگەن سوڭ, دەرەكتەردٸ ساقتاۋ تەرتٸبٸ ايقىندالادى. سونىمەن قاتار, حالىق دەنساۋلىعى جەنە دەنساۋلىق ساقتاۋ جٷيەسٸ تۋرالى زاڭنىڭ 60-بابىنىڭ 2-تارماعىنا سەيكەس, تسيفرلىق دەنساۋلىق ساقتاۋ سۋبەكتٸلەرٸ مەديتسينالىق دەرەكتەردٸ ۇلتتىق دەنساۋلىق ساقتاۋ پاسپورتىنا بەرۋ تەرتٸبٸن ساقتاۋى تيٸس. بۇل – دەرەكتەردٸڭ قاۋٸپسٸزدٸگٸ مەن ساقتالۋىن قامتاماسىز ەتەتٸن ماڭىزدى قادام”, – دەپ تٷسٸندٸردٸ ساراپشى.
قازٸرگٸ تاڭدا بۇل ٶزگەرٸستەردٸ رەتتەيتٸن نورماتيۆتٸك-قۇقىقتىق اكتٸ تالقىلانۋ ٷستٸندە, جاقىن ارادا قۇجات رەسمي تٷردە بەكٸتٸلۋٸ مٷمكٸن.
