قازاقستان مەكتەپتەرٸندە وقۋشىلاردىڭ سمارتفون قولدانۋىنا تولىق تىيىم سالۋ جوسپارلانىپ وتىر. مۇنداي تٷزەتۋ پەداگوگ مەرتەبەسٸ مەن بٸلٸم بەرۋ مەسەلەلەرٸنە قاتىستى زاڭ جوباسىندا قاراستىرىلعان, دەپ حابارلايدى Dalanews.kz.
قازٸر ەر مەكتەپتٸڭ ەكٸمشٸلٸگٸ وقۋشىلارعا سمارتفوندى قاي جاعدايدا قولدانۋعا رۇقسات بەرٸلەتٸنٸن ٶزٸ انىقتايدى. زاڭ بويىنشا تىيىم تەك ساباق كەزٸندە كٷشٸندە, ال ٷزٸلٸستە تەلەفون پايدالانۋعا بولادى. قۇرىلعى وقۋ ٷدەرٸسٸنە قاجەت بولسا, مۇعالٸمنٸڭ شەشٸمٸمەن قولدانۋعا رۇقسات ەتٸلەدٸ.
زاڭ جوباسىنىڭ سالىستىرمالى كەستەسٸنە سەيكەس بۇل نورمانى الىپ تاستاپ, وقۋشىلاردىڭ گادجەت پايدالانۋ تەرتٸبٸن ايقىنداۋ قۇقىعىن بٸلٸم بەرۋ سالاسىنداعى ۋەكٸلەتتٸ ورگانعا بەرۋ ۇسىنىلعان. بۇل مٸندەتتٸ قازاقستان رەسپۋبليكاسى وقۋ-اعارتۋ مينيسترلٸگٸ نەمەسە ٶڭٸرلٸك بٸلٸم باسقارمالارى اتقارۋى ىقتيمال.
دەپۋتاتتار "بٸلٸم الۋشىلاردىڭ قۇقىقتارى مەن مٸندەتتەرٸ" تۋرالى 47-باپتى مىناداي رەداكتسييادا ۇسىندى:
"ورتا بٸلٸم بەرۋ ۇيىمدارىندا وقۋ ٷدەرٸسٸ كەزٸندە بٸلٸم الۋشىلار مەن تەربيەلەنۋشٸلەردٸڭ ۇيالى بايلانىس قۇرىلعىسىن پايدالانۋىنا جول بەرٸلمەيدٸ. بٸلٸم بەرۋ سالاسىنداعى ۋەكٸلەتتٸ ورگان بەكٸتكەن ورتا بٸلٸم بەرۋ ۇيىمدارىندا ۇيالى بايلانىس قۇرىلعىسىن پايدالانۋ قاعيدالارىندا كٶزدەلگەن جاعدايلار بۇعان كٸرمەيدٸ".
تٷزەتۋدٸڭ نەگٸزدەمەسٸندە ۇيالى بايلانىستى تەك ساباقتا ەمەس, ٷزٸلٸس كەزٸندە دە شەكتەۋ كيبەربۋللينگ پەن زييان كونتەنت تەۋەكەلٸن ازايتۋعا, مەكتەپتەگٸ تەرتٸپ پەن قاۋٸپسٸزدٸكتٸ كٷشەيتۋگە, وقۋشىلاردىڭ تٸكەلەي قارىم-قاتىناسىن ارتتىرۋعا جەنە سالاۋاتتى بٸلٸم بەرۋ ورتاسىن قالىپتاستىرۋعا ىقپال ەتەتٸنٸ ايتىلعان.
