ق ر ءبىلىم جانە عىلىم ءمينيسترى "ورتا ءبىلىم بەرۋ ۇيىمدارىندا 2021 – 2022 وقۋ جىلىنىڭ باستالۋىن، ۇزاقتىعىن جانە كانيكۋل كەزەڭدەرىن ايقىنداۋ تۋرالى" 2021 جىلعى 27 شىلدەدەگى بۇيرىعىنا قول قويدى، دەپ حابارلايدى Dalanews.kz. 

سونىمەن، مەنشىك نىسانىنا جانە ۆەدومستۆولىق باعىنىشتىلىعىنا قاراماستان، ورتا ءبىلىم بەرۋ ۇيىمدارىندا 2021 - 2022 وقۋ جىلىنىڭ باستالۋى، ۇزاقتىعى مەن دەمالىس كەزەڭدەرىنىڭ مىنانداي مەرزىمدەرى انىقتالدى:

- 2021 - 2022 وقۋ جىلىنىڭ باسى - 2021 جىلدىڭ 1 قىركۇيەگى؛
- وقۋ جىلىنىڭ ۇزاقتىعى 1 -سىنىپتاردا - 33 وقۋ اپتاسى، 2-11 (12) سىنىپتاردا - 34 وقۋ اپتاسى؛

وقۋ جىلىنداعى دەمالىس كەزەڭدەرى:

- 1-11 (12) سىنىپتاردا: كۇزگى - 7 كۇن (2021 جىلدىڭ 1 قاراشاسىنان 7 قاراشاعا دەيىن)، قىسقى - 11 كۇن (2021 جىلدىڭ 30 جەلتوقسانىنان 2022 جىلدىڭ 9 قاڭتارىنا دەيىن)، كوكتەمگى - 12 كۇن (2022 جىلدىڭ 19 ناۋرىزىنان 30-نا دەيىن، سوڭعى كۇندى قوسا العاندا)؛

- 1 -سىنىپتا: قوسىمشا دەمالىس - 7 كۇن (2022 جىلدىڭ 7 اقپانىنان 13-ىنە دەيىن سوڭعى كۇندى قوسا العاندا).

بۇيرىق 2021 جىلدىڭ 9 تامىزىنان باستاپ كۇشىنە ەنەدى.