QR Bilim jáne ǵylym ministri "Orta bilim berý uiymdarynda 2021 – 2022 oqý jylynyń bastalýyn, uzaqtyǵyn jáne kanikýl kezeńderin aiqyndaý týraly" 2021 jylǵy 27 shildedegi buiryǵyna qol qoidy, dep habarlaidy Dalanews.kz.
Sonymen, menshik nysanyna jáne vedomstvolyq baǵynyshtylyǵyna qaramastan, orta bilim berý uiymdarynda 2021 - 2022 oqý jylynyń bastalýy, uzaqtyǵy men demalys kezeńderiniń mynandai merzimderi anyqtaldy:
- 2021 - 2022 oqý jylynyń basy - 2021 jyldyń 1 qyrkúiegi;
- oqý jylynyń uzaqtyǵy 1 -synyptarda - 33 oqý aptasy, 2-11 (12) synyptarda - 34 oqý aptasy;
oqý jylyndaǵy demalys kezeńderi:
- 1-11 (12) synyptarda: kúzgi - 7 kún (2021 jyldyń 1 qarashasynan 7 qarashaǵa deiin), qysqy - 11 kún (2021 jyldyń 30 jeltoqsanynan 2022 jyldyń 9 qańtaryna deiin), kóktemgi - 12 kún (2022 jyldyń 19 naýryzynan 30-na deiin, sońǵy kúndi qosa alǵanda);
- 1 -synypta: qosymsha demalys - 7 kún (2022 jyldyń 7 aqpanynan 13-ine deiin sońǵy kúndi qosa alǵanda).
Buiryq 2021 jyldyń 9 tamyzynan bastap kúshine enedi.
