قازاقستاندا جاڭا كونستيتۋتسييانىڭ قابىلدانۋىنا بايلانىستى قىلمىستىق جەنە ەكٸمشٸلٸك راقىمشىلىق جاساۋ جوسپارلانىپ وتىر. تيٸستٸ زاڭ جوباسىن مەجٸلٸس بٸرٸنشٸ وقىلىمدا ماقۇلدادى, دەپ حابارلايدى dalanews.kz.
زاڭ جوباسىن تانىستىرعان مەجٸلٸس دەپۋتاتى ابزال قۇسپان راقىمشىلىق مەملەكەت باسشىسىنىڭ بيىلعى 17 ناۋرىزدا بەرگەن تاپسىرماسى اياسىندا ەزٸرلەنگەنٸن ايتتى. ونىڭ سٶزٸنشە, قازاقستان تاريحىندا العاش رەت قىلمىستىق جەنە ەكٸمشٸلٸك راقىمشىلىق قاتار جٷرگٸزٸلمەك.
«بۇل قاتەلٸك جٸبەرگەن, بٸراق ٶز ٸسٸنە ٶكٸنٸپ, مٸنەز-قۇلقىمەن تٷزەلۋ جولىنا تٷسكەنٸن دەلەلدەگەن ادامدارعا قاتىستى مەملەكەتٸمٸز تاراپىنان جاسالعان كەزەكتٸ ٸزگٸلٸك اكتٸسٸنٸڭ كٶرٸنٸسٸ», - دەدٸ دەپۋتات.
زاڭ جوباسىنا سەيكەس, قىلمىستىق راقىمشىلىق اياسىندا قىلمىستىق تەرٸس قىلىقتار, ونشا اۋىر ەمەس قىلمىستار, سونداي-اق كەلتٸرٸلگەن زييان تولىق ٶتەلگەن نەمەسە مٷلدە زييان كەلتٸرٸلمەگەن ورتاشا اۋىرلىقتاعى قىلمىستار بويىنشا قوزعالعان ٸستەر توقتاتىلۋى مٷمكٸن. بۇل نورما تەرگەۋ ورگاندارى مەن سوتتاردىڭ ٶندٸرٸسٸندەگٸ ٸستەرگە دە قاتىستى بولادى.
سونىمەن قاتار اتالعان ساناتتار بويىنشا سوتتالعان ازاماتتاردى جازادان بوساتۋ جەنە ورتاشا اۋىر قىلمىستار ٷشٸن سوتتالعانداردىڭ ٶتەلمەگەن جازا مەرزٸمٸن ەكٸ ەسەگە قىسقارتۋ ۇسىنىلىپ وتىر. اۋىر جەنە اسا اۋىر قىلمىستار ٷشٸن سوتتالعانداردىڭ دا جازا مەرزٸمٸن قىسقارتۋ كٶزدەلگەن.
«ورتاشا اۋىر قىلمىستار ٷشٸن سوتتالعانداردىڭ جازاسىنىڭ ٶتەلمەگەن مەرزٸمٸن 1/2 بٶلٸككە قىسقارتۋ, سونداي-اق اۋىر جەنە اسا اۋىر قىلمىستار ٷشٸن سوتتالعانداردىڭ جازاسىن قىسقارتۋ ۇسىنىلادى», - دەدٸ قۇسپان.
ابزال قۇسپاننىڭ ايتۋىنشا, زاڭدى قابىلداۋ قوسىمشا بيۋدجەت شىعىندارىن تالاپ ەتپەيدٸ جەنە تەرٸس ەكونوميكالىق نەمەسە ەلەۋمەتتٸك سالدارعا ەكەلمەيدٸ. دەپۋتات زاڭ جوباسىندا ادام, قوعام جەنە مەملەكەت مٷددەلەرٸنٸڭ تەڭگەرٸمٸ ساقتالعانىن ايتتى.
