حالىقتى ۆاكسينالاۋ بارىسى مەن قازىرگى جاعداي تۋرالى دەنساۋلىق ساقتاۋ ءمينيسترى الەكسەي سوي، نۇر-سۇلتان قالاسىنىڭ اكىمى التاي كولگىنوۆ، باتىس قازاقستان وبلىسىنىڭ اكىمى عالي ەسقالييەۆ، اتىراۋ وبلىسىنىڭ اكىمى ماحامبەت دوسمۇحامبەتوۆ، ماڭعىستاۋ وبلىسىنىڭ اكىمى سەرىكباي ترۇموۆ باياندادى.
قازاقستانداعى سانيتارلىق-ەپيدەميولوگيالىق جاعداي وزگەرۋدە. COVID-19-بەن سىرقاتتانۋشىلىق ءوسىپ كەلەدى. الماتى قالاسىندا جانە باسقا وڭىرلەردە كوروناۆيرۋستىڭ دەلتا شتاممىنىڭ ءوسۋى بايقالادى. ۆيرۋستىڭ رەپرودۋكتيۆتىك يندەكسى 1،2-گە دەيىن ءوستى، ينفەكسيالىق توسەك ورىندار 27%، رەانيماسيالىق توسەكتەر 24% تولى.
كوروناۆيرۋستىڭ تارالۋ قارقىنى بويىنشا "قىزىل ايماققا" نۇر-سۇلتان قالاسىمەن قاتار الماتى قالاسى، اتىراۋ، باتىس قازاقستان جانە قاراعاندى وبلىستارى كىردى. "سارى ايماقتا" – 5 ءوڭىر: شىمكەنت قالاسى، اقمولا، اقتوبە، قوستاناي جانە ماڭعىستاۋ وبلىستارى. قالعان 7 ءوڭىر "جاسىل ايماقتا".
بۇگىنگى تاڭدا 3،3 ملن-عا جۋىق ادام ءبىرىنشى كومپونەنتتى، 2 ملن-عا جۋىق ادام ەكىنشى كومپونەنتتى الدى.
پرەمەر-مينيستر "قىزىل ايماقتاعى" بارلىق وڭىردە شەكتەۋ شارالارى قولدانىلىپ، مونيتورينگتىك توپتاردىڭ جۇمىسى كۇشەيتىلىپ، رەزەرۆتىك ينفەكسيالىق توسەك ورىنداردىڭ دايىندىعى، دارى-دارمەكتەر مەن مەديسينالىق بۇيىمداردىڭ جەتكىلىكتىلىگى قامتاماسىز ەتىلۋى ءتيىس ەكەنىن اتاپ ءوتتى.
اكىمدەر، اسىرەسە، ماڭعىستاۋ، اتىراۋ، باتىس قازاقستان وبلىستارىندا ۆاكسينالاۋ قارقىنىن كۇشەيتۋى قاجەت. ەڭبەك ۇجىمدارىندا، قىزمەت كورسەتۋ جانە ءبىلىم بەرۋ سالالارىندا مىندەتتى ۆاكسينالاۋدى ەنگىزۋ قاجەت ەكەنى انىق بايقالىپ وتىر، – دەدى ا. مامين.
