Halyqty vaktsinalaý barysy men qazirgi jaǵdai týraly densaýlyq saqtaý ministri Aleksei Tsoi, Nur-Sultan qalasynyń ákimi Altai Kólginov, Batys Qazaqstan oblysynyń ákimi Ǵali Esqaliev, Atyraý oblysynyń ákimi Mahambet Dosmuhambetov, Mańǵystaý oblysynyń ákimi Serikbai Trumov baiandady.
Qazaqstandaǵy sanitarlyq-epidemiologiialyq jaǵdai ózgerýde. COVID-19-ben syrqattanýshylyq ósip keledi. Almaty qalasynda jáne basqa óńirlerde koronavirýstyń delta shtammynyń ósýi baiqalady. Virýstyń reprodýktivtik indeksi 1,2-ge deiin ósti, infektsiialyq tósek oryndar 27%, reanimatsiialyq tósekter 24% toly.
Koronavirýstyń taralý qarqyny boiynsha "qyzyl aimaqqa" Nur-Sultan qalasymen qatar Almaty qalasy, Atyraý, Batys Qazaqstan jáne Qaraǵandy oblystary kirdi. "Sary aimaqta" – 5 óńir: Shymkent qalasy, Aqmola, Aqtóbe, Qostanai jáne Mańǵystaý oblystary. Qalǵan 7 óńir "jasyl aimaqta".
Búgingi tańda 3,3 mln-ǵa jýyq adam birinshi komponentti, 2 mln-ǵa jýyq adam ekinshi komponentti aldy.
Premer-Ministr "qyzyl aimaqtaǵy" barlyq óńirde shekteý sharalary qoldanylyp, monitoringtik toptardyń jumysy kúsheitilip, rezervtik infektsiialyq tósek oryndardyń daiyndyǵy, dári-dármekter men meditsinalyq buiymdardyń jetkiliktiligi qamtamasyz etilýi tiis ekenin atap ótti.
Ákimder, ásirese, Mańǵystaý, Atyraý, Batys Qazaqstan oblystarynda vaktsinalaý qarqynyn kúsheitýi qajet. Eńbek ujymdarynda, qyzmet kórsetý jáne bilim berý salalarynda mindetti vaktsinalaýdy engizý qajet ekeni anyq baiqalyp otyr, – dedi A. Mamin.
