"قازاقستان قازاق ءتىلىنىڭ قولدانىس اياسىن كەڭەيتۋگە باعىتتالعان ب ا ق تۋرالى زاڭ ازىرلەۋدە. تالقىلانعان زاڭدا تەلەديدار مەن راديوداعى مەملەكەتتىك ءتىلدىڭ ۇلەسىن 70 پايىزعا دەيىن كوتەرۋ قاراستىرىلعان"، - دەيدى بۇل ورايدا بريتاندىق The Guardian.
باسىلىمنىڭ جازعانىنداي ۋكرايناعا باسىپ كىرگەننەن كەيىن ءقازاقتىلدى اۋديتوريانىڭ كرەملگە قاتىستى كۇدىگى كۇشەيىپ، اقپارات تاراتۋدا ورىس ءتىلىنىڭ ورنىنا قازاق تىلىنە باسىمدىق بەرىلە باستاعان.
"20 ميلليونعا جۋىق تۇرعىنى بار ەلدە قازاق ءتىلى – مەملەكەتتىك ءتىل ستاتۋسىنا يە، دەي تۇرعانمەن ورىس ءتىلى دە ءوز ىقپالىن جوعالتپاي وتىر. ايتسە دە، قازاق ءتىلىنىڭ ءورىسىن كەڭەيتۋ ءۇردىسى بىرتىندەپ كۇشەيە تۇسپەك.
ب ا ق تۋرالى زاڭعا تىكەلەي جاۋاپتى مينيستر ايدا بالايەۆانىڭ اتاپ وتكەنىندەي جاڭا زاڭ جوباسىندا تەلەديدار مەن راديوداعى مەملەكەتتىك ءتىلدىڭ ۇلەسىن 50%-دان 70%-عا دەيىن ارتتىرۋ كوزدەلىپ وتىر.
قازاق تىلىنە باسىمدىق بەرىلگەن زاڭ جوباسىن پارلامەنت تە ءسوزبۇيداعا سالماي، تەزدەتىپ ماقۇلداۋى ءتيىس"، - دەيدى بريتان باسىلىمى.
اقپارمين باسشىسى ايدا بالايەۆانىڭ ايتۋىنشا بۇل باعىتتاعى جۇمىس بىرتىندەپ جۇزەگە اسادى.
"ورىس تىلىنەن قازاق تىلىنە كوشۋ پروسەسى 2025 جىلدان باستاپ، جىلىنا 5 پايىزعا ۇلعايىپ وتىرادى"، - دەيدى وسى تۇستا مينيستر.
ەلىمىزدەگى ءورىستىلدى ورتانىڭ كەڭىستىگى جىل ساناپ تارىلىپ كەلەدى.
قازاقستانداعى ەتنيكالىق ورىستاردىڭ ۇلەسى ەل تۇرعىندارىنىڭ 15 پايىزىن قۇرايدى.
"پۋتين شاپقىنشىلىعى ۇدەگەلى بەرى قازاقستان كرەملدەن ىرگەنى اۋلاق سالۋدا. توقايەۆ باتىس پەن بەيجىڭگە بەت بۇرىپ، وسى تاراپتاعى ارىپتەستىكتى جاڭا دەڭگەيگە كوتەرۋگە تىرىسۋدا"، - دەيدى Guardian.
...
ايتقانداي، رەسەي قازاتومعا قىسىم جاساۋدا. تولىعىراق وسى جەردە: https://t.me/dalainside/1515
https://dalanews.kz/saraptama/93808-shengen-qaqpasy-astana-men-brussel-kon
