"Qazaqstan qazaq tiliniń qoldanys aiasyn keńeitýge baǵyttalǵan BAQ týraly zań ázirleýde. Talqylanǵan zańda teledidar men radiodaǵy memlekettik tildiń úlesin 70 paiyzǵa deiin kóterý qarastyrylǵan", - deidi bul oraida britandyq The Guardian.
Basylymnyń jazǵanyndai Ýkrainaǵa basyp kirgennen keiin qazaqtildi aýditoriianyń Kremlge qatysty kúdigi kúsheiip, aqparat taratýda orys tiliniń ornyna qazaq tiline basymdyq berile bastaǵan.
"20 millionǵa jýyq turǵyny bar elde qazaq tili – memlekettik til statýsyna ie, dei turǵanmen orys tili de óz yqpalyn joǵaltpai otyr. Áitse de, qazaq tiliniń órisin keńeitý úrdisi birtindep kúsheie túspek.
BAQ týraly zańǵa tikelei jaýapty ministr Aida Balaevanyń atap ótkenindei jańa zań jobasynda teledidar men radiodaǵy memlekettik tildiń úlesin 50%-dan 70%-ǵa deiin arttyrý kózdelip otyr.
Qazaq tiline basymdyq berilgen zań jobasyn Parlament te sózbuidaǵa salmai, tezdetip maquldaýy tiis", - deidi britan basylymy.
AqparMin basshysy Aida Balaevanyń aitýynsha bul baǵyttaǵy jumys birtindep júzege asady.
"Orys tilinen qazaq tiline kóshý protsesi 2025 jyldan bastap, jylyna 5 paiyzǵa ulǵaiyp otyrady", - deidi osy tusta ministr.
Elimizdegi orystildi ortanyń keńistigi jyl sanap tarylyp keledi.
Qazaqstandaǵy etnikalyq orystardyń úlesi el turǵyndarynyń 15 paiyzyn quraidy.
"Pýtin shapqynshylyǵy údegeli beri Qazaqstan Kremlden irgeni aýlaq salýda. Toqaev Batys pen Beijińge bet buryp, osy taraptaǵy áriptestikti jańa deńgeige kóterýge tyrysýda", - deidi Guardian.
...
Aitqandai, Resei QazAtomǵa qysym jasaýda. Tolyǵyraq osy jerde: https://t.me/dalainside/1515
https://dalanews.kz/saraptama/93808-shengen-qaqpasy-astana-men-brussel-kon
