عىلىم جانە جوعارى ءبىلىم مينيسترلىگىندەگىلەر قازنەتتە گرانتتاردى ساتۋ تۋرالى حابارلاندىرۋلاردى جالعان دەپ اتادى، دەپ حابارلايدى dalanews.kz.
عىلىم جانە جوعارى ءبىلىم ۆيسە-مينيسترى دارحان احمەد-زاكي گرانتتاردىڭ تەك ۇبت ناتيجەلەرى بويىنشا قاتاڭ تۇردە بولىنەتىنىن ەسكە سالدى.
“ەگەر ناقتى فاكت بولسا، ءبىز تەكسەرۋگە دايىنبىز. ال ينتەرنەت كەڭىستىگىندە ءتۇرلى حابارلاندىرۋلاردىڭ بولۋى – ولاردىڭ كوپشىلىگى جالعان بولۋى مۇمكىن ەكەنىن بىلەسىزدەر، جانە بۇل مۇقيات تەكسەرۋدى قاجەت ەتەدى”، – دەپ قوستى ول.
ايتا كەتەيىك، قازىرگى ۋاقىتتا ۇبت-نىڭ العاشقى كەزەڭى باستالدى. كەيىن تەستىلەۋ كوكتەمدە وتەدى، ال سوڭعى كەزەڭ، ياعني گرانتتار بولىنەتىن ناتيجەلەر بويىنشا، ماۋسىم ايىندا بولادى.
