قازاقستاندا ەكولوگييالىق تازا اۆياتسييالىق وتىن شىعاراتىن جاڭا ٶندٸرٸس ٸسكە قوسىلۋى مٷمكٸن. جوبا قىتايلىق ينۆەستورلارمەن بٸرلەسٸپ جٷزەگە اسىرىلىپ, شيكٸزات رەتٸندە تەحنيكالىق مايلى داقىلدار مەن ازىق-تٷلٸك ٶندٸرٸسٸنە جارامسىز اۋىل شارۋاشىلىعى قالدىقتارى پايدالانىلماق, دەپ حابارلايدى dalanews.kz.
بۇل تۋرالى اۋىل شارۋاشىلىعى ۆيتسە-مينيسترٸ ازات سۇلتانوۆ مەلٸمدەدٸ. ونىڭ ايتۋىنشا, باستاما اۋىل شارۋاشىلىعى ٶنٸمدەرٸن تەرەڭ ٶڭدەۋدٸ دامىتۋعا باعىتتالعان اۋقىمدى باعدارلامانىڭ قۇرامىنا ەنگەن.
"جوبا اياسىندا تەك اۆياتسييالىق وتىن عانا ەمەس, سۋتەگٸ, سۋتەگٸ اسقىن توتىعى, جەلاتين, پەپتون, سونداي-اق ماشينا جاساۋ جەنە قۇرىلىس سالالارىنا ارنالعان ٶنٸمدەر شىعارۋ مەسەلەسٸ دە قاراستىرىلىپ جاتىر", - دەدٸ ۆيتسە-مينيستر.
ونىڭ سٶزٸنشە, قازاقستان مەن قىتاي اۋىل شارۋاشىلىعى ٶنٸمدەرٸنٸڭ 21 تٷرٸن قىتاي نارىعىنا ەكسپورتتاۋعا قاتىستى فيتوسانيتارييالىق تالاپتاردى كەلٸسٸپ ٷلگەرگەن. قازٸرگٸ تاڭدا قىتايعا ٶنٸم ەكسپورتتاۋعا قازاقستاننىڭ 3,6 مىڭ كەسٸپورنىنىڭ مٷمكٸندٸگٸ بار.
ەكولوگييالىق اۆياتسييالىق وتىن ٶندٸرۋ جوباسىن قىتايلىق Full Vision Capital جەنە EcoCeres كومپانييالارى جٷزەگە اسىرادى. ٶندٸرٸستە ازىق-تٷلٸككە پايدالانىلمايتىن مايلى تەحنيكالىق داقىلدار مەن اۋىل شارۋاشىلىعى قالدىقتارىن ٶڭدەۋ كٶزدەلٸپ وتىر.
