2023 جىلى قازاقستاندا كٶلەڭكەلٸ تەمەكٸ اينالىمىنىڭ كٶلەمٸ 9,1%-عا دەيٸن ٶسكەن. ول تۋرالى Nielsen اگەنتتٸگٸ جٷرگٸزگەن زەرتتەۋدە ايتىلادى.
زەرتتەۋ كەدٸمگٸ قاپتاماداعى تەمەكٸلەر بويىنشا ٶتكٸزٸلگەن. مىسالى, قازاقستاندا تەمەكٸنٸڭ كٶلەڭكەلٸ اينالىمى 2021 جىلى 3,3%, ال 2022 جىلى 6,3 پايىزدى قۇراعان ەدٸ. Nielsen زەرتتەۋدٸڭ الدىن الا نەتيجەلەرٸ كٶرسەتكەندەي, 2023 جىلى تاراز قالاسىندا ەربٸر بەسٸنشٸ تەمەكٸ قاپتاماسى, پەتروپاۆل جەنە سەمەي قالالارىندا ەربٸر التىنشى قاپتاما كٶلەڭكەلٸ بولعان. قوستاناي, اقتاۋ, اتىراۋ, شىمكەنت قالالارىندا 2022 جىلمەن سالىستىرعاندا كٶلەڭكەلٸ تەمەكٸ اينالىمى ايتارلىقتاي ٶسكەن. ال, استانا, كٶكشەتاۋ, قىزىلوردا قالالارىندا تەمەكٸنٸڭ كٶلەڭكەلٸ اينالىمى قالىپتى دەڭگەيدە بولعان.
قازاقستانداعى تەمەكٸ نارىعىنىڭ كٶلەمٸ جىلىنا شامامەن 20 ميلليارد دانانى قۇرايدى. ونىڭ ٸشٸندە, 1,8 ميلليارد دانا تەمەكٸ زاڭسىز ەزٸرلەنگەن. ول - 91 ميلليون قوراپ.
«QazSpirits» زتب اتقارۋشى ديرەكتورى دميتريي جۋكوۆتىڭ ايتۋىنشا, وسى كٶلەڭكەلٸ بيزنەس ٷلكەن ەكونوميكالىق زييان تيگٸزٸپ وتىر.
«ەكونوميكالىق زييانىن ەسەپتەسەك, وسىنىڭ قىرسىعىنان مەملەكەتتٸك بيۋدجەت 32 ميلليارد تەڭگە سالىقتان ايرىلدى. ونىڭ ٸشٸندە, 2023 جىلعا ارنالعان اكتسيز ستاۆكاسى 1000 داناسىنا 14 100 تەڭگە ەكەنٸن ەسكەرسەك, شامامەن 25 ميلليارد تەڭگە اكتسيزدەن جوعالتتى. وعان قوسا 7 ميلليارد تەڭگە قوسىمشا قۇن سالىعىن الا المادى», - دەيدٸ دميتريي جۋكوۆ.
دميتريي جۋكوۆتىڭ ويىنشا, بۇل رەتتەۋشٸ جەنە قاداعالاۋشى ورگاندار بايىپپەن قاراۋى تيٸس ٷلكەن پروبلەمانىڭ شەتٸن شىعارىپ وتىر. قازاقستاندا زاڭسىز تەمەكٸنٸڭ ٶسۋ قارقىنىنا نازار اۋدارۋ كەرەك. ول ٷشٸن قۇزىرلى ورگاندار تاراپىنان تەمەكٸنٸڭ كٶلەڭكەلٸ اينالىمىن باقىلاۋ جەنە ازايتۋ بويىنشا كەشەندٸ شارالار قاجەت بولىپ وتىر.
