كۇن تارتىبىندە قارالعان نەگىزگى ماسەلەلەر – ۇكىمەتتىڭ كەڭەيتىلگەن ماجىلىسىندە كوروناۆيرۋس ينفەكسياسىنا قارسى كۇرەس بويىنشا شەشىمدەر قابىلداۋ ءۇشىن پرەزيدەنت قاسىم-جومارت توقايەۆ قويعان تاپسىرمالارعا قاتىستى بولدى، دەلىنگەن پرەمەر-مينيستر سايتىندا.
ۆيسە-پرەمەر مەملەكەت باسشىسىنىڭ تاپسىرمالارىن ورىنداۋ اياسىندا مەملەكەتتىك ورگاندارعا قىسقا مەرزىمدە كەلەسى مىندەتتەردى جۇزەگە اسىرۋدى جۇكتەدى:
- كوروناۆيرۋسقا قارسى ءىس-قيمىل شارالارىن تۇبەگەيلى قايتا قاراۋ ستراتەگياسىن ازىرلەۋ؛
- اعىمداعى جىلدىڭ 19 شىلدەسىنە دەيىن شاعىن جانە ورتا بيزنەس قىزمەتكەرلەرىنە ۆاكسينالاۋ جۇرگىزۋدىڭ ناقتى مەرزىمدەرىن قايتا قاراۋ جانە بەلگىلەۋ؛
- "Pfizer" كومپانياسىمەن كەلىسىمگە قول قويۋ جونىندەگى جۇمىستى ۇيىمداستىرۋ جانە ۆاكسينانى جەتكىزۋ تۋرالى كەلىسىمشارت جاساسۋدى قامتاماسىز ەتۋ؛
- اعىمداعى جىلدىڭ 19 شىلدەسىنە دەيىن مىندەتتى ۆاكسينالاۋعا جاتاتىن قوعامنىڭ تىرشىلىك ەتۋ سالالارىن انىقتاۋ؛
- پتر-تەستىلەۋدىڭ ءبىرىڭعاي بازاسىنا ۇقساس ۆاكسينالاۋدىڭ سيفرلىق كارتاسىن ىسكە قوسۋ ماسەلەسىن پىسىقتاۋ؛
- اعىمداعى جىلدىڭ 19 شىلدەسىنە دەيىن "Ashyq" سياقتى سيفرلىق شەشىمدەردى بەلسەندى پايدالانۋ باسىمدىعىمەن ءموبيلدى مونيتورينگتىك توپتاردىڭ جۇمىسىن قايتا فورماتتاۋ بويىنشا ۇسىنىستار ەنگىزۋ؛ ەپيدەميولوگيالىق جاعدايعا قاراماستان، مەديسينا قىزمەتكەرلەرىن قولداۋ جانە ىنتالاندىرۋدىڭ قولدانىستا بولاتىن قاعيدالارىن ازىرلەۋ جانە بەكىتۋ؛
- جاڭا وقۋ جىلىندا وقۋشىلار مەن ستۋدەنتتەردى وقىتۋدىڭ ءداستۇرلى نىسانىن قايتا باستاۋ كەزىندە پەداگوگتەر مەن وقۋشىلاردىڭ دەنساۋلىعىنىڭ قاۋىپسىزدىگىن قامتاماسىز ەتۋ بويىنشا ۇسىنىستار ازىرلەۋ.
ەلدەگى ەپيدەميولوگيالىق جاعدايدىڭ ناشارلاۋىنا بايلانىستى ۆەدومستۆوارالىق كوميسسيا "قىزىل ايماقتاعى" وڭىرلەردە كارانتيندىك شەكتەۋلەردى كۇشەيتۋ بويىنشا شارالار قابىلدادى، توقتاتىلسىن:
- "Ashyq" جوباسىنا قاتىساتىن وبەكتىلەردى قوسپاعاندا، قالاارالىق، وبلىسىشىلىك، قالالىق تۇراقتى جانە تۇراقتى ەمەس (تۋريستىك) اۆتوبۋس جانە شاعىن اۆتوبۋس تاسىمالدارى؛ جابىق جاعاجايلار مەن اكۆاپاركتاردىڭ قىزمەتى.
دەمالىس جانە مەرەكە كۇندەرى جۇمىسىنا تىيىم سالىنسىن:
- قوعامدىق كولىكتىڭ؛
- "Ashyq" جوباسىنا قاتىسۋشىلارىن قوسپاعاندا، قوعامدىق تاماقتانۋ وبەكتىلەرىنىڭ؛
- "Ashyq" جوباسىنا قاتىساتىندارىن قوسپاعاندا، فيتنەس ورتالىقتاردىڭ، فيتنەس كلۋبتاردىڭ، يوگا ورتالىقتارىنىڭ، سپورتتىق-ساۋىقتىرۋ وبەكتىلەرىنىڭ، ساۋنالاردىڭ، سپا-ورتالىقتاردىڭ، باسسەيندەردىڭ؛
- "Ashyq" جوباسىنا قاتىساتىندارىن قوسپاعاندا، كينوتەاترلاردىڭ، تەاترلاردىڭ، كونسەرت زالدارىنىڭ، فيلارمونيالاردىڭ، كومپيۋتەرلىك كلۋبتاردىڭ، بوۋلينگتەردىڭ، بيلياردتاردىڭ، كاراوكەلەردىڭ، كورمەلەردىڭ؛
- "Ashyq" جوباسىنا قاتىسۋشىلاردى، اشىق بازارلاردى، جارمەڭكەلەردى قوسپاعاندا، اۋدانى 2000 م2 دەيىنگى ازىق-تۇلىك ەمەس تاۋارلاردى وتكىزۋ وبەكتىلەرىنىڭ؛
- "Ashyq" جوباسىنا قاتىساتىندارىن قوسپاعاندا، سپورت وبەكتىلەرىنىڭ (سپورت كەشەندەرى، سپورت مەكتەپتەرى، سپورت كلۋبتارى، جاتتىعۋ زالدارى)؛ ءبىلىم بەرۋ ورتالىقتارىنىڭ، بالالار مەن ەرەسەكتەرگە ارنالعان ۇيىرمەلەردىڭ، بالالاردى دامىتۋ ورتالىقتارىنىڭ؛
- "Ashyq" جوباسىنا قاتىساتىندارىن قوسپاعاندا، فۋدكورتتاردىڭ.
جۇمىس كۇندەرى جۇمىسى شەكتەلسىن:
- ساعات 20.00-گە دەيىن "Ashyq" جوباسىنا قاتىساتىن فيتنەس-ورتالىقتاردىڭ، فيتنەس-كلۋبتاردىڭ، يوگا-ورتالىقتاردىڭ، سپورتتىق-ساۋىقتىرۋ وبەكتىلەرىنىڭ، ساۋنالاردىڭ، سپا-ورتالىقتاردىڭ، سپورت وبەكتىلەرىنىڭ، باسسەيندەردىڭ؛
- ساعات 18.00-گە دەيىن "Ashyq" جوباسىنا قاتىسۋىنا قاراماستان، وسو، ساۋدا ۇيلەرىنىڭ، ساۋدا جەلىلەرىنىڭ؛
- "Ashyq" جۇيەسىنە قاتىساتىن قوعامدىق تاماقتانۋ نىساندارىنىڭ، فۋدكورتتاردىڭ جۇمىسى – ساعات 20.00-گە دەيىن، "Ashyq" جۇيەسىنە قاتىسپايتىنداردىڭ جۇمىسى – ساعات 18.00-گە دەيىن.
وتىرىس سوڭىندا ۆيسە-پرەمەر مەملەكەتتىك ورگاندار مەن ءوڭىر اكىمدەرىنە ءتۇسىندىرۋ جۇمىستارىن كۇشەيتۋدى، سونداي-اق حالىقتى كوروناۆيرۋسقا قارسى ۆاكسينالاۋمەن قامتۋدى ارتتىرۋدى تاپسىردى.
