توعجانوۆتىڭ ايتۋىنشا، ەلىمىزدەگى سانيتارلىق-ەپيدەميولوگيالىق جاعداي تۇراقتى.
ۆيرۋستىڭ رەپرودۋكتيۆتى يندەكسى - 1، ءبىراق ءبىز الەمدە جانە شەكارالاس ەلدەردەگى جاعدايدىڭ قانداي ەكەنىن كورىپ وتىرمىز. ياعني كوروناۆيرۋستىڭ جاڭا شتامدارى تەز تاراۋدا. سكرينينگتىك تەكسەرۋلەر نۇر-سۇلتاندا وتكىزىلدى، سونىڭ قورىتىندىسى بويىنشا، مينيستر سوي مۇندا "دەلتا شتاممى" كەلىپ العانىن ايتتى. وسىعان بايلانىستى وبلىس اكىمدەرى جاعدايدى باقىلاۋدا ۇستاۋى كەرەك، - دەدى ول.
سونىمەن بىرگە، ۆيسە-پرەمەر ۆاك وتىرىسىن وتكىزەتىنىن جانە نۇر-سۇلتان قالاسى مەن باسقا ايماقتارداعى سانيتارلىق-ەپيدەميولوگيالىق تالاپتاردى كۇشەيتۋ شارالارىن قاراستىراتىندارىن ايتتى.
سونداي-اق، ادامدار كوپ شوعىرلانعان جەرلەردە اراقاشىقتىقتى ساقتاۋ كەرەك، ادامدار جەكە قورعانىس قۇرالدارىن تاعۋى ءتيىس، سونىمەن قاتار بارلىق ايماقتارداعى باقىلاۋ توپتارىنىڭ جۇمىسىن كۇشەيتۋ كەرەك، ال قوعامدىق ورىنداردا بولاتىندار قورعانىس شارالارىن قاتاڭ ساقتاۋى قاجەت. سونداي-اق "Ashyq" قوسىمشاسى ارقىلى ءجۇرىپ-تۇرۋ كەرەك. بۇل جاعدايدى وبلىس اكىمدەرى، بارلىق مەملەكەتتىك ورگاندار باقىلاۋى كەرەك، - دەپ تۇيىندەدى ءسوزىن توعجانوۆ.
