Toǵjanovtyń aıtýynsha, elimizdegi sanıtarlyq-epıdemıologıalyq jaǵdaı turaqty.
Vırýstyń reprodýktıvti ındeksi - 1, biraq biz álemde jáne shekaralas elderdegi jaǵdaıdyń qandaı ekenin kórip otyrmyz. Iaǵnı koronavırýstyń jańa shtamdary tez taraýda. Skrınıngtik tekserýler Nur-Sultanda ótkizildi, sonyń qorytyndysy boıynsha, mınıstr Soı munda "delta shtammy" kelip alǵanyn aıtty. Osyǵan baılanysty oblys ákimderi jaǵdaıdy baqylaýda ustaýy kerek, - dedi ol.
Sonymen birge, vıse-premer VAK otyrysyn ótkizetinin jáne Nur-Sultan qalasy men basqa aımaqtardaǵy sanıtarlyq-epıdemıologıalyq talaptardy kúsheıtý sharalaryn qarastyratyndaryn aıtty.
Sondaı-aq, adamdar kóp shoǵyrlanǵan jerlerde araqashyqtyqty saqtaý kerek, adamdar jeke qorǵanys quraldaryn taǵýy tıis, sonymen qatar barlyq aımaqtardaǵy baqylaý toptarynyń jumysyn kúsheıtý kerek, al qoǵamdyq oryndarda bolatyndar qorǵanys sharalaryn qatań saqtaýy qajet. Sondaı-aq "Ashyq" qosymshasy arqyly júrip-turý kerek. Bul jaǵdaıdy oblys ákimderi, barlyq memlekettik organdar baqylaýy kerek, - dep túıindedi sózin Toǵjanov.
