قازاقستاننىڭ ٷزدٸكسٸز بٸلٸم بەرۋ قاۋىمداستىعى مەكتەپكە دەيٸنگٸ ۇيىمداردى ۆاۋچەرلٸك قارجىلاندىرۋعا كٶشٸرۋ جٶنٸندەگٸ پيلوتتىق جوباعا قاتىستى الاڭداۋشىلىق بٸلدٸردٸ. ۇيىم ٶكٸلدەرٸنٸڭ پٸكٸرٸنشە, باستاما رەسمي تٷردە تسيفرلاندىرۋ مەن اشىقتىقتى ارتتىرۋدى كٶزدەگەنٸمەن, قولدانىستا جەكەمەنشٸك بالاباقشالار ٷشٸن ايتارلىقتاي تەۋەكەلدەر تۋىنداتۋى مٷمكٸن, دەپ حابارلايدى Dalanews.kz.
"جاڭا مودەل بويىنشا ٶڭٸردە مەملەكەتتٸك بالاباقشالاردا بوس ورىن بولسا, جەكەمەنشٸك ۇيىمدارعا مەملەكەتتٸك تاپسىرىس مٷلدە بەرٸلمەۋٸ مٷمكٸن. سونىمەن بٸرگە كەز كەلگەن فورمالدى سەيكەسسٸزدٸك قارجىلاندىرۋدان باس تارتۋعا نەگٸز بولۋى ىقتيمال", - دەپ اتاپ ٶتتٸ قاۋىمداستىق ٶكٸلدەرٸ.
قاۋىمداستىق تسيفرلىق جٷيەلەرگە تولىق تەۋەلدٸلٸك تە قوسىمشا قاۋٸپ تٶندٸرەتٸنٸن جەتكٸزدٸ.
"دەرەكقورداعى كەز كەلگەن تەحنيكالىق قاتە تٶلەمدەردٸڭ بۇعاتتالۋىنا ەكەلۋٸ ىقتيمال", - دەپ مەلٸمدەدٸ ۇيىم.
سونىمەن بٸرگە قاۋىمداستىق زاڭنامادا كٶزدەلمەگەن تالاپتاردىڭ قويىلا باستاعانىنا ەرەكشە نازار اۋداردى. اتاپ ايتقاندا, كەيبٸر بالاباقشالاردان سانيتارييالىق-ەپيدەميولوگييالىق قورىتىندىنى بەلگٸلٸ بٸر مەرزٸم سايىن "جاڭارتۋ" تالاپ ەتٸلٸپ وتىرعانى ايتىلدى.
قاۋىمداستىق مەلٸمەتٸنشە, قولدانىستاعى تەرتٸپ بويىنشا سەس قورىتىندىسى نىسان پايدالانۋعا بەرٸلگەن كەزدە بٸر رەت بەرٸلەدٸ جەنە ونى تۇراقتى تٷردە قايتا رەسٸمدەۋ تۋرالى نورما زاڭنامادا جوق. ونىڭ ٷستٸنە, سانيتارييالىق ورگانداردىڭ ٶزٸ مۇنداي "جاڭارتۋ" رەسٸمٸن جٷرگٸزبەيدٸ.
"مۇنداي تالاپتار ورىندالۋى مٷمكٸن ەمەس جاعداي قالىپتاستىرۋى ىقتيمال. ونىڭ سالدارى كاسسالىق الشاقتىقتارعا, جالاقىنىڭ كەشٸگۋٸنە, جەكەمەنشٸك بالاباقشالاردىڭ جابىلۋىنا, كەزەكتٸڭ ۇلعايۋىنا جەنە جۇمىس ورىندارىنىڭ قىسقارۋىنا ەكەلۋٸ مٷمكٸن", - دەپ ەسكەرتتٸ ۇيىم ٶكٸلدەرٸ.
قاۋىمداستىق جەكەمەنشٸك بالاباقشالار شاعىن جەنە ورتا بيزنەستٸڭ ماڭىزدى بٶلٸگٸ ەكەنٸن ەسكە سالدى. ۇيىم پٸكٸرٸنشە, بۇل سەكتور جاڭا جۇمىس ورىندارىن قۇرىپ قانا قويماي, مەملەكەتكە مەكتەپكە دەيٸنگٸ ورىن تاپشىلىعىن ازايتۋعا ەلەۋلٸ ٷلەس قوسىپ وتىر.
"سوندىقتان مۇنداي رەفورمالاردى ەنگٸزبەس بۇرىن ولاردى كەڭ قوعامدىق جەنە كەسٸبي تالقىلاۋدان ٶتكٸزۋ قاجەت", - دەپ تٷيٸندەدٸ قازاقستاندىق ٷزدٸكسٸز بٸلٸم بەرۋ قاۋىمداستىعى.
