قازاقستاندا «جاساندى ينتەللەكت تۋرالى» زاڭ رەسمي تۇردە كۇشىنە ەندى. قۇجات ەلىمىزدە جاساندى ينتەللەكت تەحنولوگيالارىن قولدانۋدىڭ قۇقىقتىق نەگىزىن ايقىنداپ، قاۋىپسىزدىك پەن اشىقتىق تالاپتارىن كۇشەيتۋدى كوزدەيدى، دەپ حابارلايدى Dalanews.kz
زاڭعا سايكەس، جاساندى ينتەللەكت كومەگىمەن جاسالعان نەمەسە وزگەرتىلگەن ءماتىن، فوتو، ۆيدەو جانە اۋديو كونتەنت مىندەتتى تۇردە ارنايى بەلگىمەن تاڭبالانۋى ءتيىس. بۇل تالاپ جالعان اقپارات پەن مانيپۋلياسيانىڭ الدىن الۋعا باعىتتالعان.
سونداي-اق قۇجاتتا جي-دى زاڭسىز پايدالانۋ، ازاماتتاردىڭ قۇقىقتارى مەن دەربەس دەرەكتەرىنە زيان كەلتىرەتىن جۇيەلەردى قولدانۋعا تىيىم سالۋ نورمالارى بەكىتىلگەن. تالاپتاردى بۇزعان جەكە جانە زاڭدى تۇلعالارعا اكىمشىلىك جاۋاپكەرشىلىك قاراستىرىلعان.
جاڭا زاڭ قازاقستاندا جاساندى ينتەللەكتىنى جاۋاپتى ءارى ءقاۋىپسىز دامىتۋعا جول اشپاق.
