وتاندىق اۆتوكولىك ونەركاسىبى توڭىرەگەندە، ونداعى قۇراستىرىلۋعا قاتىستى تارالىپ جاتقان اڭىزدارعا قاراماستان ءوندىرىس قارىشتاپ دامىپ كەلەدى. ۋتيليزايالىق الىم تۋرالى ءوتىنىشتى قاراۋ جونىندەگى جۇمىس توبى Allur زاۋىتىنا باردى. ءوندىرىستىڭ بارلىق كەزەڭدەرىندە جوعارى تەحنولوگيا مەناۆتوماتتاندىرىلعاندىعى كورسەتىلدى. جاڭا تەحنولوگيالاردى ەنگىزىپ، ستۋدەنتتەرگە ارنالعان كاسىبي قۇزىرەتتىلىك ورتالىعىنىڭ اشقان. وسى ارقىلى كاسىپورىن قازاقستاندىق اۆتوونەركاسىپتىڭ بولاشاعى جوعارى بىلىكتى ماماندار مەن ءوندىرىستىڭ يننوۆاسيالىق ادىستەرىنە بايلانىستى ەكەنىن سەنىمدى تۇردە كورسەتىپ وتىر.
زاۋىتتا اۆتوكولىكتەردى ءوندىرۋ باراسىندا ولاردىڭ ءاربىر دەتالدارى جۇزەگە اسىرۋدا تەك قول ەڭبەگى عانا ەمەس، سونىمەن قاتار جوعارى تەحنولوگيالىق روبوتتار قاتىسادى. ءاربىر كولىكتىڭ شاناعى اۆتوماتتى تۇردە گەومەتريالىق ولشەۋدەن باستاپ كوپتەگەن باقىلاۋ كەزەڭدەرىنەن وتەدى. اۆتوماتتى رەجيمدەگى ولشەۋ ماشيناسى اۋىتقۋلاردى بولدىرماۋعا جانە گەومەتريالىق دالدىك 95% ولشەم جاسۋعا مۇمكىندىك بەرەدى.
زاۋىتتىڭ وندىرىستىك جەلىلەرى روبوتتاندىرىلعان وزىق جۇيەلەرمەن جابدىقتالعان. مىسالى، شاناقتى دانەكەرلەۋ لازەردىڭ كومەگىمەن جۇزەگە اسىرىلادى. بۇل ۇساق ءتۇيىندى قۇراستىرۋدىڭ جوعارى بەرىكتىگى مەن دالدىگىن قامتاماسىز ەتەدى. اۆتوماتتاندىرۋ ساپانى جوعارى دەڭگەيدە ساقتاي وتىرىپ، كۇنىنە 40-قا دەيىن شاناق شىعارۋعا مۇمكىندىك بەرەدى. وتاندىق اۆتوونەركاسىپتىڭ وندىرىستىك پروسەسى روبوتتار مەن ادامدار قاتار جۇمىس ىستەيتىن ينتەگراسيالانعان تۇردە جۇرەدى. بۇل برەند شىعاراتىن سەرىكتەستەر تالاپتارىنا تەزىرەك بەيىمدەلۋگە جانە ساپانى جوعالتپاي ءارتۇرلى اۆتوكولىك مودەلدەرىن شىعارۋعا مۇمكىندىك بەرەدى.
كونۆەيەردەن شىققان ءاربىر كولىك قاتاڭ تۇرلە ساپالىق باقىلاۋدان وتەدى. زاۋىت زەرتحانالارىندا ماتەريالدار مەن كومپونەنتتەردى فيزيكالىق-مەحانيكالىق تالداۋ، سونداي-اق دانەكەرلەنگەن قوسىلىستاردىڭ بەرىكتىك جاعىنان سىناۋ جۇزەگە اسىرىلادى. دانەكەرلەرگەن جەردىڭ مىقتىلىعىنا كوز جەتكىزۋ ءۇشىن اۋىر جۇكتەمەلەر تۇسىرەتىن سىناقتار جاسالادى. وسىلايشا ونىڭ بەرىكتىگىنە كوز جەتكىزىلەدى.
ادامي كاپيتال
Allur قىزمەتكەرلەردى وقىتۋعا ەرەكشە نازار اۋدارادى. سەح وپەراتورلارى مەن باقىلاۋشىلارى ءوندىرىستىڭ جوعارى ستاندارتتارىنا سايكەس كەلۋ ءۇشىن ۇنەمى جەتىلدىرىلىپ وتىرادى. بۇل زاۋىتقا ءونىمنىڭ تۇراقتى ساپاسىن ساقتاۋعا جانە جاڭا تەحنولوگيالىق تالاپتارعا بەيىمدەلۋگە مۇمكىندىك بەرەدى. 2023 جىلى كاسىپورىن قىزمەتكەرلەرىنىڭ سانى 3 305 ادامدى قۇرادى.
وسى جىلدىڭ ناۋرىز ايىندا قوستاناي اۆتوموبيل كولىگى كوللەدجىنىڭ بازاسىندا كاسىبي قۇزىرەتتىلىك ورتالىعى اشىلدى. بۇل ورتالىق قازاقستانداعى CKD-وندىرىسىندە (شاعىن توراپتى قۇراستىرۋ) ستۋدەنتتەردى وقىتۋعا ارنالعان العاشقى الاڭ بولدى. زاۋىت وندىرىستە پايدالانىلاتىنمەن بىردەي زاماناۋي جابدىقتى ساتىپ الۋعا جانە ورناتۋعا 60 ملن تەڭگە ينۆەستيسيالادى. ستۋدەنتتەر ەندى وقۋمەن قاتار تاجىريبەلىك داعدىلاردى ۇيرەنەدى. بۇل زاۋىتقا جۇمىس ىستەۋگە دايىن، بىلىكتى مامانداردى دايارلاۋعا مۇمكىندىك بەرەدى.
كاسىپورىن سونىمەن قاتار ءوز قىزمەتكەرلەرى مەن جەرگىلىكتى قوعامداستىققا بەلسەندى قولداۋ كورسەتەدى. زاۋىتتىڭ بارلىق قىزمەتكەرلەرى تەگىن جول جۇرۋمەن، تاماقپەن جانە ارنايى كيىممەن قامتاماسىز ەتىلگەن. مۇمكىندىگى شەكتەۋلى جاندارعا ارنالعان جۇمىس ورىندارى قۇرىلدى. زاۋىت قىزمەتكەرلەرىنە كورپوراتيۆتىك مەديسينالىق ساقتاندىرۋ، جاتاقحانا، ءبىلىم بەرۋ گرانتتارى، شەتەلدىك تاعىلىمدامالاردى جانە ءبىرقاتار ارنايى جەڭىلدىكتەردى ۇسىنادى: ەڭبەك سىڭىرگەن جىلدارى ءۇشىن جالاقىعا قوسىمشا اقىلار: 3 جىل - 5%، 7 جىل - 10%، بريگاديرلىك جانە تالىمگەرلىك ءۇشىن - 10%؛ سەرىكتەس ۇيىمدارداعى قىزمەتكەرلەرگە جەڭىلدىكتەر. بۇدان باسقا، زاۋىت وقۋ ورنىنىڭ ماتەريالدىق-تەحنيكالىق بازاسى مەن ءبىلىم بەرۋ باعدارلامالارىن دامىتۋعا ىقپال ەتە وتىرىپ، قوستاناي اۆتوموبيل كولىگى كوللەدجىنە قامقورلىق جاسايدى.
Allur وتاندىق اۆتوونەركاسىپتىڭ تيىمدىلىگى جوعارى، ادامي كاپيتالعا دەن قويعان جوعارىتەحنولوگيالىق جانە ساپالى وندىرىسكە قابىلەتتى ەكەنىن كورسەتەدى. ويتكەنى قازاقستاندا اۆتوكولىكوندىرىسىنىڭ ءاربىر كەزەڭى اۆتوماتتاندىرۋ مەن كاسىبيلىكتىڭ جوعارى دەڭگەيدە ەكەندىگىن كورسەتىپ وتىر.قازاقستاندىقتار تۋعان جەرىندە وندىرىلەتىن ءوز اۆتوكولىكتەرىنىڭ ساپاسى مەن قاۋىپسىزدىگىنە سەنىمدى بولا الادى.
