وسىنداي ٸرٸ ٶنەركەسٸپ نىسانىنىڭ قۇرىلىسى مەملەكەت باسشىسى قاسىم-جومارت توقاەۆتىڭ وڭتٷستٸك كورەيا كومپانيياسىنىڭ باسشىلىعىمەن ۋاعدالاستىقتارى نەتيجەسٸندە باستالىپ وتىر. ەسكە سالا كەتەيٸك, وسى جىلدىڭ قاڭتار ايىندا پرەزيدەنت قوستانايدا Kia اۆتوموبيلدەرٸنٸڭ شاعىن توراپتىق ٶندٸرٸسٸن ٸسكە قوسۋ رەسٸمٸنە قاتىسا وتىرىپ, ٶنەركەسٸپ كووپەراتسيياسىن ودان ەرٸ كەڭەيتۋ جەنە ينجەنەرلٸك بازانى قالىپتاستىرۋدىڭ ماڭىزىن اتاپ ٶتكەن بولاتىن.
جوعارى جالاقى تٶلەنەتٸن 1 500 جۇمىس ورنىن قۇرۋعا مٷمكٸندٸك بەرەتٸن جاڭا زاۋىتتىڭ ٶندٸرٸستٸك قۋاتى جىلىنا 70 مىڭ اۆتوكٶلٸك بولماق. جوباعا شامامەن $250 ملن تٸكەلەي شەتەلدٸك ينۆەستيتسييالار سالىناتىن بولادى.
رومان سكليار ٶز سٶزٸندە Kia كومپانيياسى العاش رەت كورەيا رەسپۋبليكاسىنان تىس جەردە بٸرلەسكەن كەسٸپورىن مەن زاۋىت سالۋعا تٸكەلەي ينۆەستيتسييا سالىپ وتىرعانىن اتاپ ٶتتٸ.
«قوستانايدا KIA اۆتوموبيلدەرٸن شىعاراتىن تولىق تسيكلدٸ زاۋىت سالۋدى ماشينا جاساۋ سالاسى ٷشٸن شىن مەنٸندە سەرپٸندٸ جوعارى تەحنولوگييالىق جوبا دەپ اتاۋعا بولادى. بۇل جوبا ناقتى مۋلتيپليكاتيۆتٸ ەسەر بەرەدٸ, ينجەنەرلٸك جەنە تەحنيكالىق كادرلاردىڭ جاڭا بۋىنىن دايارلاۋ دەڭگەيٸن ارتتىرۋعا, سونداي-اق لوكاليزاتسييالاۋدىڭ كەلەسٸ كەزەڭٸنە كٶشۋدٸ ايتارلىقتاي جەدەلدەتۋگە مٷمكٸندٸك بەرەدٸ», — دەدٸ رومان سكليار.
پرەمەر-مينيستردٸڭ بٸرٸنشٸ ورىنباسارىنىڭ ايتۋىنشا, وسىنداي نەگٸزگٸ ينۆەستورى بار زاۋىتتىڭ پايدا بولۋى وتاندىق ٶنەركەسٸپتٸ دامىتۋدىڭ ماڭىزدى كەزەڭٸ, ەكونوميكانىڭ بارلىق سالالارىندا وڭتٷستٸك كورەيامەن بولاشاق بٸرلەسكەن ينۆەستيتسييالىق جوبالار ٷشٸن ايقىن ٷلگٸ بولادى.
قۇرىلىس جۇمىستارى 2024 جىلى اياقتالادى دەپ كٷتٸلۋدە, سودان كەيٸن جابدىقتار ورناتىلا باستايدى. 2025 جىلدىڭ بٸرٸنشٸ توقسانىندا زاۋىت پيلوتتىق رەجيمدە ٸسكە قوسىلماق, ال ەكٸنشٸ توقسانىندا ٶندٸرٸستٸڭ تولىق تسيكلٸ اشىلادى.
«بٷگٸندە Kia ٷشٸن قازاقستان رەسپۋبليكاسىنىڭ ەكونوميكاسىن دامىتۋعا ٷلەس قوسۋ مٷمكٸندٸگٸنە يە بولۋ – ٷلكەن قۇرمەت پەن ماقتانىش. قوستانايداعى جاڭا زاۋىت ازاماتتار, ۋنيۆەرسيتەت تٷلەكتەرٸ مەن ينجەنەرلەرگە جوعارى دەڭگەيدەگٸ تەجٸريبە جيناۋعا مٷمكٸندٸك بەرەتٸن بٸرەگەي جۇمىس ورىندارىن ۇسىنا وتىرىپ, ماڭىزدى رٶل اتقاراتىنىنا سەنٸمدٸمٸن», — دەدٸ Kia Corporation پرەزيدەنتٸ جەنە باس ديرەكتورى حو سۋن سون بەينەحابارلاماسىندا.
وڭتٷستٸك كورەيا كومپانيياسى اۆتوموبيل جاساۋداعى جەرگٸلٸكتٸ قامتۋ دەڭگەيٸن ارتتىرۋ بويىنشا قازاقستاننىڭ ٶنەركەسٸپتٸك ساياساتىنا تولىق قولداۋ كٶرسەتۋگە دايىن ەكەنٸن بٸلدٸردٸ. Kia قوستانايدا لوكاليزاتسييالاۋ ورتالىعىن اشۋ بويىنشا بەلسەندٸ تٷردە جۇمىس جٷرگٸزٸپ جاتىر. مۇندا شاعىن جەنە ورتا بيزنەستٸڭ قاتىسۋىمەن قۇرامداس بٶلٸكتەر ٶندٸرٸسٸ جٷرگٸزٸلمەك.
وبلىس ەكٸمٸ قۇمار اقساقالوۆ وزىق ەلەمدٸك تەجٸريبەلەرگە جٷگٸنە وتىرىپ, زاماناۋي جوعارى تەحنولوگييالىق كەسٸپورىندى ٸسكە قوسۋ رەسپۋبليكانىڭ اۆتوموبيل جاساۋداعى ٶندٸرٸس كٶلەمٸن ۇلعايتۋعا ىقپال ەتەتٸنٸنە سەنٸمدٸ.
«ماشينا جاساۋ سالاسىن دامىتۋ ٶڭٸردٸڭ دامۋىنا مۋلتيپليكاتيۆتٸك تۇرعىدان ەسەر ەتەدٸ. اتاپ ايتقاندا, ماشينا جاساۋ سالاسىندا بٸر جۇمىس ورنىن قۇرۋ باسقا سالالاردا بەس-التى جۇمىس ورنىنىڭ قۇرىلۋىنا سەپتٸگٸن تيگٸزەدٸ. ٶندٸرٸستەردٸ لوكاليزاتسييالاۋ دەڭگەيٸن ارتتىرۋ ٷشٸن جاڭا زاۋىتتىڭ اينالاسىندا قۇرامداس بٶلشەكتەر جەتكٸزۋشٸلەرٸ رەتٸندە شاعىن جەنە ورتا بيزنەس بەلدەۋٸ قۇرىلادى», — دەدٸ قۇمار اقساقالوۆ.
كورەيا رەسپۋبليكاسىنىڭ قازاقستانداعى ەلشٸسٸ تە-يك چجو 30 جىلدان استام ۋاقىت بويى قازاقستان مەن وڭتٷستٸك كورەيا ٶزارا تيٸمدٸ ەرٸپتەستٸكتٸ نىعايتىپ كەلە جاتقانىن اتاپ ٶتتٸ.
«بٷگٸندە ەلدەرٸمٸز قر پرەزيدەنتٸ قاسىم-جومارت توقاەۆتىڭ قازاقستان حالقىنا جولداۋىندا ايتىلعان ەكونوميكالىق رەفورمالاردىڭ ماقساتتارىنا سەيكەس كەلەتٸن ەكونوميكالىق ىنتىماقتاستىقتى ٸس جٷزٸندە بەلسەندٸ تٷردە دامىتۋدا. بۇل رەفورمالار ٶڭدەۋ سالاسىن دامىتۋ ارقىلى رەسپۋبليكا ٶنەركەسٸبٸن ەرتاراپتاندىرۋعا باعىتتالعان», — دەدٸ ول.
