قازاقستاندا عىلىمي جوبالاردى ساراپتاۋ جەنە ٸرٸكتەۋ تەرتٸبٸ قايتا قارالىپ جاتىر. ەندٸ زەرتتەۋلەردٸڭ قايتالانۋىنا جول بەرمەۋ جەنە بيۋدجەت قاراجاتىنىڭ تيٸمدٸ جۇمسالۋىن قامتاماسىز ەتۋ ٷشٸن ٶتٸنٸمدەردٸ تەكسەرۋدٸڭ قوسىمشا تەتٸكتەرٸ ەنگٸزٸلگەن. بۇل تۋرالى عىلىم جەنە جوعارى بٸلٸم مينيسترٸ ساياسات نۇربەك قۇرىلتايدا ٶتكەن بريفينگتە مەلٸمدەدٸ, دەپ حابارلايدى dalanews.kz.
مينيستردٸڭ ايتۋىنشا, عىلىمي جوبالاردى باعالايتىن ساراپشىلار ەندٸ اۆتوماتتاندىرىلعان جٷيە ارقىلى كەزدەيسوق ٸرٸكتەۋ ەدٸسٸمەن تاڭدالادى. سونىمەن قاتار ساراپشىلار پۋلى كەڭەيتٸلگەن. قازٸر مينيسترلٸك ۇسىنىلعان جوبالاردى قازاقستاندا جەنە شەتەلدە جٷرگٸزٸلگەن ۇقساس زەرتتەۋلەرمەن سالىستىراتىن الگوريتمدەردٸ سىناقتان ٶتكٸزٸپ جاتىر. بۇل بٸر تاقىرىپتاعى زەرتتەۋلەردٸڭ قايتالانۋىن بولدىرماۋعا مٷمكٸندٸك بەرەدٸ.
«ەندٸ ەر كەزەڭدە عىلىمي ٶتٸنٸمدەردٸ قاتاڭ ٸرٸكتەۋگە ارنالعان قوسىمشا تەتٸكتەر قاراستىرىلعان», - دەدٸ ساياسات نۇربەك.
سونداي-اق عىلىمي جوبالارعا مٸندەتتٸ ەكونوميكالىق نەگٸزدەمە تالابى ەنگٸزٸلگەن. بۇدان بٶلەك, عىلىمي-تەحنيكالىق تاپسىرمالاردى تەكسەرۋگە ۇلتتىق عىلىم اكادەميياسى تارتىلعان.
بۇرىن عالىمدار ۇسىنعان ٶتٸنٸمدەردٸ عىلىم كوميتەتٸ قاراپ, زەرتتەۋلەردٸڭ قايتالانۋىن تەكسەرگەننەن كەيٸن تيٸستٸ كەڭەسكە جولدايتىن. ەندٸ ۇلتتىق عىلىم اكادەميياسى قوسىمشا سٷزگٸ رەتٸندە قاتىسادى. وسىلايشا, جوبالار جوعارى عىلىمي-تەحنيكالىق كەڭەستٸڭ قاراۋىنا شىعارىلعانعا دەيٸن بٸرنەشە كەزەڭنەن ٶتەدٸ.
مينيستر ۇلتتىق عىلىمي كەڭەس مٷشەلەرٸنٸڭ جاۋاپكەرشٸلٸگٸ دە كٷشەيتٸلگەنٸن ايتتى. ەندٸ ولارعا ەكٸمشٸلٸك جاۋاپكەرشٸلٸكپەن قاتار قىلمىستىق جاۋاپكەرشٸلٸك تە قاراستىرىلعان.
عىلىمي جوبالاردى ٸرٸكتەۋدەگٸ تاعى بٸر ٶزگەرٸس جەكە سەكتور مەن ناقتى ەكونوميكا ٶكٸلدەرٸنٸڭ بٸرلەسٸپ قارجىلاندىرۋىنا قويىلاتىن تالاپتاردىڭ ارتۋىمەن بايلانىستى. ساياسات نۇربەكتٸڭ پٸكٸرٸنشە, بيزنەستٸڭ عىلىمي ەزٸرلەمەلەرگە قاراجات سالۋعا دايىن بولۋى ولاردىڭ پراكتيكالىق ماڭىزىن كٶرسەتەدٸ.
بۇعان دەيٸن جوعارى اۋديتورلىق پالاتا قازاقستاندا عىلىمي جوبالاردى قارجىلاندىرۋ كەزٸندە 51 ملرد تەڭگەنٸڭ قارجىلىق زاڭبۇزۋشىلىعىن جەنە 47 ملرد تەڭگەنٸڭ تيٸمسٸز جوسپارلانىپ, پايدالانىلعانىن انىقتاعانى حابارلانعان بولاتىن.
