2025 جىلى قازاقستاندا ەت ٶندٸرٸسٸنٸڭ كٶلەمٸ 1,2 ملن تونناعا جەتٸپ, ٶتكەن جىلمەن سالىستىرعاندا 2,7% ٶستٸ, دەپ حابارلايدى Dala News.
اۋىل شارۋاشىلىعى مينيسترلٸگٸنٸڭ مەلٸمەتٸنشە, مال شارۋاشىلىعىندا وڭ ديناميكا ساقتالىپ وتىر. ٸرٸ قارا مال سانى 8,2 ملن باسقا جەتٸپ, 2,4% ارتقان. قوي مەن ەشكٸ 20,6 ملن باستى قۇرادى, بۇل ٶتكەن جىلمەن سالىستىرعاندا 1,6% كٶپ. جىلقى سانى 4,6 ملن باسقا دەيٸن ٶسٸپ, 5,6% ۇلعايدى. سونداي-اق تٷيە باسى 294 مىڭعا جەتسە, قۇس سانى 48,6 ملن باسقا دەيٸن كٶبەيگەن.
ەت ٶندٸرٸسٸمەن قاتار سٷت جەنە جۇمىرتقا ٶندٸرٸسٸندە دە ٶسٸم بايقالادى. سيىر سٷتٸنٸڭ كٶلەمٸ 5% ارتىپ, 3,8 ملن تونناعا جەتكەن. ال جۇمىرتقا ٶندٸرٸسٸ 2,4% ٶسٸپ, 4,6 ملرد دانا بولعان.
مينيسترلٸكتٸڭ حابارلاۋىنشا, قازاقستان سيىر ەتٸ, قوي ەتٸ, جىلقى ەتٸ جەنە تاعامدىق جۇمىرتقا بويىنشا ٸشكٸ نارىقتى تولىق قامتاماسىز ەتٸپ وتىر. قازٸرگٸ تاڭدا ەكسپورتتىق ەلەۋەتتٸ ارتتىرۋعا باسىمدىق بەرٸلگەن.
2025 جىلدىڭ 11 ايىنىڭ قورىتىندىسى بويىنشا ەت ەكسپورتى 24,8% ٶسٸپ, 91,3 مىڭ تونناعا جەتكەن. ونىڭ ٸشٸندە سيىر ەتٸنٸڭ ەكسپورتى 59,1%, ال قوي ەتٸنٸڭ ەكسپورتى 92,8% ارتقان.
مينيسترلٸك الداعى جىلدارى مال شارۋاشىلىعىن دامىتۋدىڭ 2026–2030 جىلدارعا ارنالعان كەشەندٸ جوسپارى اياسىندا ٶندٸرٸس كٶلەمٸن ودان ەرٸ ۇلعايتۋ كٶزدەلٸپ وتىرعانىن اتاپ ٶتتٸ. جوسپارعا سەيكەس, 2030 جىلعا قاراي ەت ٶندٸرٸسٸ 1,8 ملن تونناعا, ال ەت ەكسپورتى 165 مىڭ تونناعا دەيٸن جەتكٸزٸلۋٸ تيٸس.
